ბაიდენმა ახალი სახელმწიფო მდივანი უკვე შეარჩია. ვინ არის ენტონი ბლინკენი

ამერიკის ახლადარჩეული პრეზიდენტი თეთრი სახლის აპარატის ფორმირების შემდეგ საგარეო პოლიტიკური გუნდის ფორმირებას იწყებს. საკვანძო თანამდებობას – სახელმწიფო მდივნის პოსტს ენტონი ბლინკენი დაიკავებს, რომელიც ბარაკ ობამას პრეზიდენტობის დროს სახელმწიფო დეპარტამენტის ხელმძღვანელის მოადგილედ მუშაობდა და კარგად იცნობს ჯო ბაიდენს ბოლო ოცი წლის განმავლობაში.

პრეზიდენტის მრჩეველი ნაციონალური უსაფრთხოების საკითხებში ჯეიკ სალივანი გახდება, აშშს წარმომადგენელი გაეროში კი ლინდა ტომას–გრინფილდი.

ამის შესახებ ბაიდენის გარემოცვიის წევრ წყაროზე დაყრდნობით გამოცემები Washington Post, New York Times და Wall Street Journal წერენ. ოფიციალურ განცხადება სამშაბათისთვის არის მოსალოდნელი.

სახელმწიფო მდივნობის კანდიდატი წარდგენის შემდეგ სენატმა უნდა დაამტკიცოს, თუმცა მხოლოდ მას შემდეგ, რაც ბაიდენი ოფიციალურად შეუდგება მოვალეობის შესრულებას. ამჟამად სენატის უმრავლესობა რესპუბლიკელების ხელშია და უმრავლესობას შეინარჩუნებენ კიდევაც, თუ დემოკრატების ორი კანდიდატი იანვრის დასაწყისში ჯორჯიის შტატში მეორე ტურში არ გაიმარჯვებს.

ჯო ბაიდენი სენატორის რანგში ჯერ კიდევ საბჭოთა პერიოდიდან შეიარაღების კონტროლის საკითხებს განიხილავდა და სენატის საერთაშორისო საქმეთა კომიტეტის თავმჯდომარე იყო. ვიცე–პრეზიდენტობის დროსაც ის ძირითადად საგარეო პოლიტიკით იყო დაკავებული.
დონალდ ტრამპისგან განსხვავებით, რომელიც ამჯობინებდა აშშ ნაკლებად შეებოჭა ნებისმიერი ვალდებულებებით, ბაიდენი ცნობილია, როგორც კოლექტიური ქმედებების და საერთაშორისო ალიანსების მომხრე – ნატოთი დაწყებული და ჯანდაცვის მსოფლიო ორგანიზაციით დამთავრებული.

Washington Post წერს, რომ ახალი პრეზიდენტი გეგმავს საკუთარი ადმინისტრაციის საყრდენად საგარეო პოლიტიკური ბლოკი აქციოს.

ვინ არის ენტონი ბლინკენი

Washington Post 58 წლის ბლინკენს ჯო ბაიდენის ერთ–ერთ ყველაზე ახლო და ძველ მრჩეველს უწოდებს.  ის ბაიდენის წინასაარჩევნო შტაბში საერთაშორისო პრობლემატიკას კურირებდა.

2002–2008 წლებში ხელმძღვანელობდა სენატის საერთაშორისო საქმეთა კომიტეტის აპარატს იმ დროს, როცა ბაიდენი კომიტეტის თავმჯდომარე იყო.

ბაიდენის ვიცე–პრეზიდენტობის დროს კი მისი მრჩევლის პოსტზე გადავიდა. განსაკუთრებით აქტიურად იყო ჩართული ერაყის საქმეებში. 2013 წლის ინტერვიუში ბაიდენმა მას სუპერვარსკვლავი უწოდა.

2015–2017 წლებში ბლინკენი ჰილარი კლინტონის მოადგილედ მუშაობდა. ის ახლო აღმოსავლეთის საკითხებით და ისლამურ სახელმწიფოსთან ბრძოლით იყო დაკავებული.

დონალდ ტრამპის პრეზიდენტობის დროს სათავეში ჩაუდგა კონსალტინგურ ფირმას, რომელიც გეოპოლიტიკური რისკების შეფასებით არის დაკავებული. ეს კომპანია მან პოლიტიკურ საკითხებში თავდაცვის მინისტრის ყოფილ მოადგილესთან, მიშელ ფლურნასთან ერთად დააფუძნა. როგორც ამბობენ, ბაიდენი მიშელ ფლურნას პენტაგონის ხელმძღვანელად ამზადებს.

მომავალი სახელმწიფო მდივანი ნიუ–იორკელი დიპლომატების ოჯახიდან არის. მისი მამა უნგრეთში აშშ–ს ელჩი იყო, ბიძა კი ბელგიაში.

ბავშვობაში ის პარიზში ცხოვრობდა, სადაც დედამისი სტუდენტებისა და მხატვრებისთვის შექმნილ ამერიკულ ცენტრს ხელმძღვანელობდა. ბლინკენის მამინაცვალი სამუელ პიზარია – პოლონელი იურისტი და ლიტერატორი, რომელმაც ებრაელობის გამო ჰოლოკოსტი გადაიტანა.

ისინი, ვინც ბლინკენს ახლოს იცნობს ამბობენ, რომ მას გულწრფელად სჯერა ადამიანის უფლებების დაცვის მნიშვნელობის და თვლის, რომ ისრაელის უსაფრთხოება მისი ლიდერების პოლიტიკის მიუხედავად უზრუნველყოფილი უნდა იყოს. გარდიანი წერს, რომ ეს წარმოდგენები ძირითადად მის ოჯახურ გამოცდილებას უკავშირდება.

ბლინკენი გამოცემის თქმით მკვეთრი კონტრასტი იქნება ტრამპის პრეზიდენტობის პერიოდთან.

ბლინკენი ჰარვარდის და კოლუმბიის უნივერსიტეტებში იურისპუდენციას და ჟურნალისტიკას სწავლობდა. ახალგაზრდობაში ჰოლივუდის პროდიუსერობაზე ოცნებობდა.

1990–იან წლებში გამოსვლის ტექსტებს წერდა ბილ კლინტონისთვის. მისი ცოლი იმ პერიოდში ჰილარი კლინტონის პირად თანაშემწედ მუშაობდა.

Wall Street Journal–ის ინფორმაციით ის აპირებს პირველი რიგის პრიორიტეტად კორონავირუსთან ბრძოლის საერთაშორისო კამპანია აქციოს და სურს აშშ–მ ამ საქმეში წამყვანი როლი ითამაშოს.

ბლინკენი ცნობილია როგორც აქტიური საგარეო პოლიტიკის მომხრე. 2011 წელს ერთადერთი შემთხვევა მოხდა, როცა ის ბაიდენის მოსაზრებებს საჯაროდ დაუპირისპირდა, როცა ლიბიაში ნატოს ოპერაციას დაუჭირა მხარი, ორი წლის შემდეგ კი სირიაში დასავლეთის ჩარევას უჭერდა მხარს.

ამჟამად , როგორც Wall Street Journal წერს, ის ეჭვით უყურებს ავღანეთიდან და ერაყიდან ამერიკელი სამხედროების გამოყვანის ნაჩქარევი გადაწყვეტილების მიზანშეწონილობას.

“თუ თამაშში არ ხართ, პრობლემები გექნებათ. თუ მოვლენებზე შიგნიდან არ ახდენთ გავლენას, თქვენ ანგარიშს არ გაგიწევენ“– განუცხადა ჟურნალისტებს ბლინკენმა არჩევნებამდე ცოტა ხნით ადრე.

იმავე ინტერვიუში ბლინკენმა ბაიდენის სახელით შეშფოთება გამოთქვა იმის გამო, თუ როგორ იყენებს ჩინეთი თანამედროვე ტექნოლოგიებს მოქალაქეებზე კონტროლის გასაძლიერებლად.

ცოტა ხნის წინ ის ტვიტერზე წერდა, რომ ტაივანთან ეკონომიკური კავშირების გაძლიერება მათ საერთო დემოკრატიულ ფასეულობებს და რეგიონში მშვიდობის ერთგულებას უკავშირდება.

როგორც ცნობილია, პეკინს ყველაზე მეტად სხვა ქვეყნების მხრიდან ტაივანთან ურთიერთობების განვითარება აღიზიანებს.

ბლინკენი ამბობდა, რომ ცენტრალური ამერიკიდან არალეგალური იმიგრაციის შემცირების საუკეთესო გზა ამ სახელმწიფოების განვითარების ხელშეწყობაა.

ისევე, როგორც დემოკრატების მთელი ისტებლიშმენტი, ისიც აკრიტიკებდა რუსეთს ამერიკულ არჩევნებში ჩარევის გამო, თუმცა იმასაც ამბობდა, რომ რუსეთთან ურთიერთობების გაუმჯობესების გზები არსებობს.

ბლინკენის საყვარელი თემა – ამერიკის მორალური ლიდერობაა.

“კრიზისების და არეულობის დროს მსოფლიო პირველ რიგში აშშ–ს უყურებს. არა იმიტომ, რომ ჩვენ ყოველთვის მართლები ვართ, ან ყველას ვუყვარვართ, ან შეგვიძლია ვინმეს რამე ვუკარნახოთ, არამედ იმიტომ, რომ მთელი ძალით ვცდილობთ ჩვენი ქმედებები ჩვენს პრინციპებს ემთხვეოდეს “– ამბობდა ის 2015 წელს.

New York Times ბლინკენს თავშეკავებულ და გაწონასწორებულ ადამიანს უწოდებს, რომელიც სავარაუდოდ დაამშვიდებს როგორც თანამშრომლებს, ასევე უცხოელ პარტნიორებს დონალდ ტრამპის ოთხწლიანი არაპროგნოზირებადი განცხადებების და ქმედებების შემდეგ.

Washington Post წერს, რომ ბაიდენს და ბლინკენს უკვე ჰქონდათ ხანგრძლივი საუბარი პირველი რიგის ნაბიჯებზე, მათ შორის პარიზის კლიმატის შეთანხმებაში და ჯანმო–ში აშშ– ს დაბრუნების შესახებ, ასევე ირანთან ბირთვული შეთანხმებისთვის ახალი სიცოცხლის შთაბერვის თაობაზე.

ბაიდენს დღეს რომ ვუსმენდი, მეგონა, ჩვენი პროგრამა ჰქონდა – ხაზარაძე

ლელოს ლიდერის, მამუკა ხაზარაძის თქმით, ჯო ბაიდენის ინაუგურაციის სიტყვამ თავისი პარტიის პროგრამა გაახსენა. "ჩვენ გვაქვს...

ამერიკა დაბრუნდა – ურსულა ფონ დერ ლაიენი

ევროკომისიის პრეზიდენტი ურსულა ფონ დერ ლაიენი აცხადებს, რომ მოუთმენლად ელის შეერთებული შტატების არჩეულ პრეზიდენტ...

გიორგი გახარია ჯო ბაიდენს აშშ-ის პრეზიდენტობას ულოცავს

საქართველოს პრემიერ-მინისტრი გიორგი გახარია ჯო ბაიდენს აშშ-ის პრეზიდენტობას ულოცავს. მისი თქმით, საქართველო მოუთმენლად ელის თანამშრომლობის გაძლიერების...

ეს ამერიკის დღეა, დემოკრატიამ გაიმარჯვა – ჯო ბაიდენის სიტყვა ინაუგურაციაზე

ამერიკის შეერთებული შტატების 46-ე პრეზიდენტმა ჯო ბაიდენმა, ინაუგურაციაზე სიტყვით გამოსვლისას განაცხადა, რომ დემოკრატიამ გაიმარჯვა...

ჯო ბაიდენის ინაუგურაციაზე ამერიკის ჰიმნი ლედი გაგამ შეასრულა (ვიდეო)

აშშ–ის 46–ე პრეზიდენტის, ჯო ბაიდენის ინაუგურაციის ცერემონიაზე ამერიკის სახელმწიფო ჰიმნი პოპ მომღერალმა, ლედი გაგამ...

ჯო ბაიდენმა და კამალა ჰარისმა ფიცი დადეს

აშშ–ის არჩეულმა 46-ე პრეზიდენტმა, ჯო ბაიდენმა დადო. მან საპრეზიდენტო ფიცი საოჯახო ბიბლიაზე დადო. საზეიმოდ ფიცი დადო...

ზურაბ ადეიშვილი კობა დავითაშვილის საქმეზე სასამართლომ დამნაშავედ ცნო

თბილისის საქალაქო სასამართლომ ყოფილი გენერალური პროკურორი ზურაბ ადეიშვილი კობა დავითაშვილისთვის თავისუფლების უკანონო აღკვეთის ორგანიზებისა...

პირველ რიგში სავაჭრო სექტორის გახსნას განვიხილავთ, შემდეგ სკოლებს – ტიკარაძე

ჯანდაცვის მინისტრის, ეკატერინე ტიკარაძის თქმით, მთავრობა პირველ რიგში სავაჭრო სექტორის და განათლების სფეროს გახსნას...

სხვა სიახლეები

“МВД უნდა დავითრიოთო.მთავარია,ვასიკომ სადმე კონსპირაციულ ბინაში არ მიაძინოს“–ელისო კილაძე კობახიძეზე

ქრონიკა +–ის დამფუძნებელი, ელისო კილაძე ამბობს, რომ ქართული ოცნების ახალ თავმჯდომარეს, ირალკი კობახიძეს შსს–ს ხელში ჩაგდებაზე ოცნებობდა, თუმცა ივანიშვილმა აშკარად აჩვენა, ვის ხელშია რეალური...

ჯანმრთელობა

კოვიდგადატანილთა მესამედი კვლავ საავადმყოფოებში ხვდება– ახალი კვლევა

პანდემიის პირველი ტალღისას კორონავირუსით დაინფიცირებულ  და გამოჯანმრთელებულ ბრიტანელ პაციენტთა  30% შემდგომი 5 თვის განმავლობაში კვლავ საავადმყოფოში მოხვდა. ამის შესახებ ლესტერის უნივერსიტეტის და სტატისტიკის ეროვნული...

შოუ ბიზნესი

“რამდენი ხანიც შევძელით, დავმალეთ“–ნინი ქარსელაძის დედა აღიარებს, რომ მისი შვილი გათხოვდა

ნინი ქარსელაძის დედა, ხათუნა ჟორდანია ფეისბუქზე წერს, რომ მისი შვილი გათხოვდა: “რადგან ბევრმა სააგენტომ გაავრცელა, დავწერ მეც!!!! ჩემი შვილი გათხოვდა უკვე დიდი ხანია რამდენი ხანიც შევძელით, დავმალეთ. ახლა...

ვიდეო