სისტემის მძევალი ვარ, მეგონა მეტს ვერაფერს დამიშავებდა სისტემა მაგრამ ვცდებოდი – შაქარაშვილის საქმეზე ბრალდებულის სკანდალური წერილი ციხიდან

19 წლის ფეხბურთელის გიორგი შაქარაშვილის საქმეზე ბრალდებული, ნიკოლოზ რევაზიშვილი ციხიდან წერილს ავრცელებს. პატიმარი წერს, რომ საგამოძიებო უწყება საქმეს აყალბებს და მტკიცებულებებს შლის. რევაზიშვილის წერილი 26 აგვისტოთი თარიღდება.

გთავაზობთ წერილს უცვლელად: 

მედავებიან ახალგაზრდა ფეხბურთელის, გიორგი შაქარაშვილის განზრახ მკვლელობას, მაშინ, როცა გიორგი შაქარაშვილი არასოდეს მინახავს.

როცა გამოძიება დაიწყო, მაშინვე მივედი მცხეთაში გამომძიებლებთან და მოვუყევი, რაც ვიცოდი. პირდად მივუტანე გამოძიებელს 19 ივნისს ნაცვამი გაურეცხავი ფეხსაცმელი და ტანსაცმელი, გადავეცი ჩემი მობილური ტელეფონი, ჩავაბარე გენეტიკური ანალიზი, ჩემი სურვილით მონაწილეობა მივიღე ამოცნობაში. გამომძიებელს გადავეცი ჩემი ტელეფონის გამხსნელი პაროლი, რომ ყველაფერი ენახათ, რაც ტელეფონში მქონდა, იმის ღრმა რწმენით, რომ სიმართლე დადგინდებოდა.

როცა გიორგი შაქარაშვილის მკვლელობაში ბრალი დამდეს და დამაბრალეს, თითქოს გზა მოვუჭერი შაქარაშვილს და ხევში ჩავედი, იმედი მქონდა, ექსპერტები გუგლის სისტემიდან ამოიღებდნენ არაგვის ხიდის მიმდებარე ტერიტორიაზე ჩემი ფეხით გადაადგილების მარშრუტს და სიმართლე გაირკვეოდა, თუმცა, აღნიშნული ინფრომაცია გამოძიებამ წაშალა. ამის შემდეგ მივხვდი, რომ გამოძიება და მართლმსაჯულება სიმართლის დადგენით კი არ არის დაკავებული, არამედ ფაქტების გაყალბებით, მას შემდეგ რაც გამოძიებამ წამიშალა თავის მართლების ფაქტობრივად ერთადერთი მტკიცებულება, მივხვდი, რომ ამ ბინძური სისტემის წინააღმდეგ ნებისმიერი ადამიანი უძლურია.

მეგონა, რომ სისტემა ამაზე მეტს ვერაფერს დამიშავებდა, თუმცა ვცდებოდი, როცა ამოცნობის მიზნით ციხიდან შსს-ში გადამიყვანეს. იქ არ დარჩენილა თანამდებობის პირი, რომელიც არ გამესაუბრა და კითხვები არ დამისვა. ყველა ერთხმად აღნიშნავდა, რომ დარწმუნებული იყო ჩემს უდანაშაულობაში, თუმცა მეუბნებოდნენ, რომ სხვა გზა არ ჰქონდათ. ამ სიტყვების წარმოთქმისას ყველა მაღლა იხედებოდა.

წარმოგიდგენიათ? როცა ის, ვინც მკვლელობას საჯაროდ გაბრალებს, არაფორმალურ ვითარებაში გიდასტურებს, რომ უდანაშაულო ხარ. არგუმენტი – სხვა გზა არ აქვთ.

დღეს, 2020 წლის 20 აგვისტოს ცნობილი გახდა, რომ გამოძიებამ გამოკითხა ჩემი თანამესაკნე, კობა ჩიტიძე, რომელსაც თურმე არჩადენილი დანაშაულის შესახებ აღსარება ჩავბარე და მოვუყევი, თუ როგორ მოხდა გიორგი შაქარაშვილის მკვლელობა.

აგრეთვე, თურმე 50 000 ლარის სანაცვლოდ კობა ჩიტაძეს შევთავაზე მის თავზე აეღო გიორგის მკვლელობა. არ მგონია ჩვენებაში მითითებული გარემოებები რომელიმე საღად მოაზროვნე ადამიანმა დაიჯეროს, თუმცა, მთელმა საზოგადოებამ მინდა გაიგოს, თუ სადამდე მიდის ამ სისტემის ფანტაზიები. ახლა ვხვდები სისტემამ რატომ აუკრძალა საზოგადოებას საქმეში ჩახედვა. იმიტომ, რომ არ ენახა კობა ჩიტიძე, რომელიც თავისუფლების სანაცვლოდ ეშმაკთან, ანუ ჩვენს სამართლადამცავ სისტემასთან დებს გარიგებას.

მინდა მივმართო საზოგადოების იმ ნაწილს, რომელიც ჩემს სიკვდილით დასჯას ითხოვს არჩადენილი დანაშაულისთვის, და გისურვოთ, არასოდეს აღმოჩნდეთ ამ სადამსჯელო მანქანის მძევალი.

და ბოლოს, მინდა მივმართო კობა ჩიტიძეს, ტყუილებით თავისუფალი ვერასოდეს გახდები.

პატივისცემით, სისტემის მძევალი

ნიკოლოზ რევაზიშვილი.

კორონავირუსით გარდაცვლილი 36-ე პაციენტი 79 წლის კაცია

კორონავირუსით გარდაცვლილი 36-ე პაციენტი, 79 წლის კაცია, რომელიც ბათუმის რესპუბლიკურ საავადმყოფოში მკურნალობდა. ექიმების ინფორმაციით, პაციენტს...

თბილისში, ახვლედიანის ქუჩაზე ხანძარი ლოკალიზებულია

თბილისში, ახვლედიანის ქუჩის 14 ნომერში მდებარე ერთ-ერთი შენობაში ხანძარია. საგანგებო სიტუაციების მართვის სამსახური აცხადებს,...

თურქულმა ავიაგამანადგურებელმა ჩვენი SU-25 ჩამოაგდო, პილოტი დაიღუპა – სომხეთის საგარეო უწყება

სომხეთის თავდაცვის სამინისტროს პრესსპიკერის, შუშან სტეპანიანის განცხადებით, თურქულმა მრავალფუნქციურმა გამანადგურებელმა, F-16-მა მათი ავიაგამანადგურებელი, SU-25...

ბოლო 24 საათში საქართველოში კორონავირუსით მე-4 პაციენტი გარდაიცვალა, სულ – 36

საქართველოში კორონავირუსით დღეს მეოთხე, 36-ე პაციენტი გარდაიცვალა. ინფორმაცია Stopcov.ge-ზე განახლდა. ქვეყანაში დღეს, 29 სექტემბერი კორონავირუსის 314...

საქართველოში კორონავირუსით დღეს მესამე, 35-ე პაციენტი გარდაიცვალა

საქართველოში კორონავირუსით დღეს მესამე, 35-ე პაციენტი გარდაიცვალა. ინფორმაცია Stopcov.ge-ზე რამდენიმე წუთის წინ განახლდა. ქვეყანაში დღეს...

ახალქალაქისა და ნინოწმინდის მოსახლეობა სომხეთში გადასატანად საბურავებს აგროვებს

ტვ პირველის ინფორმაციით, ახალქალაქსა და ნინოწმინდაში ადგილობრივი მოსახლეობა საბურავებს აგროვებს. ორ მუნიციპალიტეტში მცხოვრები ეთნიკურად...

გიორგი მარგველაშვილთან კონსტულაციები გვაქვს, ჩვენი ხედვები ერთმანეთს ემთხვევა – ხაზარაძე

პარტია ლელოს ლიდერი, მამუკა ხაზარაძე ამბობს, რომ საქართველოს მე-4 პრეზიდენტთან, გიორგი მარგველაშვილთან ყოველდღიურ კონსულტაციებს...

კარგი გამოსაძიებელია, ქვები საერთოდ დაუშინა თუ არა ვიღაცამ – მდინარაძე მელიაზე

ქართული ოცნების ლიდერის და დეპუტატის, მამუკა მდინარაძეს თქმით, გამოსაძიებელია ნაციონალური მოძრაობის გლდანის მაჟორიტარობის კანდიდატს,...

სხვა სიახლეები

ამერიკული ფეხბურთის ლეგენედამ, ჯო მონტანამ შვილიშვილი გამტაცებლისგან დაიხსნა

აშშ–ს ნაციონალური საფეხბურთო ლიგის ლეგენდამ, ჯო მონტანამ და მისმა ცოლმა ჯენიფერმა შაბათს საღამოს მათი შვილიშვილის გატაცების მცდელობა აღკვეთეს. ბოროტმოქმედი მალიბუში მდებარე მათ სახლში შეიპარა და...

ჯანმრთელობა

75 წელს გადაცილებულთა გონებრივი და ფიზიკური შესაძლებლობები ბევრად გაუმჯობესდა – მეცნიერების დასკვნა

75 წელს გადაცილებული ადამიანების გონებრივი და ფიზიკური შესაძლებლობები ამჟამად ბევრად მაღალია, ვიდრე მათი თანატოლების შესაძლებლობები იყო 30 წლის წინ. ასეთ დასკვნამდე მივიდნენ ფინეთის იუვიასკიულის...

შოუ ბიზნესი

კიმ კარდაშიანი ყარაბაღის კონფლიქტს ეხმაურება და ესკალაციაში აზერბაიჯანს ადანაშაულებს

მთიან ყარაბახში გამწვავებული კონფლიქტი და განახლებული სამხედრო მოქმედებები, უკვე მეორე დღეა ნომერ პირველ თემად იქცა არაერთ მედიასაშუალებაში, მათ შორის დასავლეთში. დღეს შექმნილ სიტუაციაზე კომენტარი...

ვიდეო