სკანდალი ბრიტანულ პოლიტიკაში: ყოფილი მრჩეველი და “რუხი კარდინალი“პრემიერ ჯონსონს ღიად დაუპირისპირდა

ბრიტანეთში პოლიტიკური სკანდალია: პრემიერ მინისტრის ყოფილი მრჩეველი, დომინიკ კამინგსი, რომელსაც პრესა “ბრექსითის არქიტექტორს“ და მთავრობის რუხ კარდინალს უწოდებდა, ბორის ჯონსონ მწვავედ აკრიტიკებს.

კამინგსი ყოფილი უფროსის წინააღმდეგ პარასკევს საღამოს გამოვიდა. საკუთარ ბლოგში მან მთავრობის კომპეტენცია ეჭვქვეშ დააყენა, ნეგატიურად შეაფასა მისი ქმედებები კორონავირუსის პანდემიასთან ბრძოლაში და მოყვა, რომ პრემიერი არაეთიკური, და პრაქტიკულად უკანონოო სქემებით გეგმავდა საკუთარი ბინის რემონტის დაფინანსებას.

პრემიერის პრესმდივანმა ბრალდებები უარყო და განაცხადა, რომ მთავრობაში ყველა ეთიკურ ნორმას და კანონს იცავენ, რემონტი კი ჯონსონმა საკუთარი ჯიბიდან დააფინანსა.

კამინგსი ბრიტანეთის ევროკავშირიდან გასვლის კამპანიის საკვანძო პოლიტტექნოლოგად ითვლება და მას უდიდესი გავლენა ქონდა პრემიერ მინისტრზე 2020 წლის ნოემბრამდე, როცა მან უფროსი მრჩევლის პოსტი დატოვა.

რა დაწერა კამინგსმა

ხუთშაბათს ჟურნალისტებმა კამინგსი ცოტა ხნის წინ პრესაში ჯონსონის მიმოწერის გაჟონვის ფაქტთან დააკავშირეს.

მან ამ ბრალდებებს საკუთარ ბლოგში უპასუხა და არა მხოლდ კატეგორიულად უარყო, არამედ მათ ავტორად პრემიერ მინისტრის პრესმდივანი დაასახელა, რომლის უკანაც მისი აზრით თავად ჯონსონი დგას.

იმავე პოსტში ის კონტრშეტევაზეც გადავიდა. ჯონსონი შიდა შემოწმებებში ჩარევებში დაადანაშაულა. მისი თქმით, ჯონსონს სურდა მისი მეორე მრჩეველი, ჰენრი ნიუმანი გადაერჩინა ინფორმაციის გაჟონვის გამო თანამდებობიდან გათავისუფლებისგან, იმიტომ რომ ის პრემიერის საცოლის საუკეთესო მეგობარია.

კამინგსმა მწვავე განცხადება გააკეთა ჯონსონის გეგმებთან დაკავშირებით მისი ბინის რემონტის თაობაზე:

“მე მას ვუთხარი, რომ არაეთიკური, სულელი და პოტენციურად უკანონო იყო მისი გეგმა, საიდუმლოდ აენაზღაურებინა ბინის რემონტი დონორების  [ პოლიტიკური ]   ფინანსებით და რომ ეს თითქმის ასი პროცენტით არღვევდა პოლიტიკური შემოწირულობების შესახებ ინფორმაციის გამჟღავნების წესებს“– წერს კამინგსი და დასძენს, რომ უარი თქვა ამ მიზნისთვის გადახდების ორგანიზებაში.

საქმე ეხება დაუნინგ სთრითის 11–ში, ფინანსთა მინისტრისოფიციალური რეზიდენციის ზედა სართულზე მდებარე ოთხსაძინებლიანი ბინის რემონტს.

ის ბევრად დიდია მეზობლად მდებარე პრემიერის რეზიდენციაზე, რის გამოც ჯონსონმა და მისმა საცოლემ ამჯობინეს ამ ბინაში ეცხოვრათ, ისევე როგორც მისმა ზოგიერთმა წინამორბედმა.

ბიბისი–ს წყაროს ინფორმაციით გაზაფხულისთვის რემონტი პრაქტიკულად დამთავრებული იყო, თუმცა ხარჯები დაფარული არ ყოფილა, რადგან ხარჯებმა გადააჭარბა პრემიერისთვის გამოყოფილ წლიურ თანხას საცხოვრებლის მოსაწყობად – 30 ათას ფუნტს.

რამდენიმე ბრიტანულმა მედიასაშუალებამ მარტში გაავრცელა ინფორმაცია, რომ ჯონსონი განიხილავდა საქველმოქმედო ფონდის შექმნის შესაძლებლობას, რათა კერძო შემოწირულობები მიეზიდა. სწორედ ამ მოდელს იყენებენ აშშ–ს პრეზიდენტები თეთრი სახლის რემონტისთვის.

თუმცა, პარასკევს მთავრობამ განაცხადა, რომ ჯონსონმა პირადად დაფარა რემონტის ხარჯები.

საიდან დაიწყო ყველაფერი:

ეს სკანდალი საფუძველს სხვა სკანდალიდან იღებს. კვირის დასაწყისში ბიბისი–მ გამოაქვეყნა ბორის ჯონსონისა და  ბრექსითის აქტიური მხარდამჭერის, მილიარდერ სერ ჯეიმს დაისონის მიმოწერის ფრაგმენტები .

მიმოწერაში ჯონსონი დაისონს პირდება, რომ მოაგვარებს მისი კომპანიის საქმიანობასთან დაკავშირებულ საგადასახადო საკითხებს, თუ ის სინგაპურის შტაბ–ბინის ნაცვლად ბრიტანეთში იმუშავებს.

მიმოწერა გასული წლის მარტში შედგა, როცა მთავრობა ყველაფერს აკეთებდა, რათა ხელოვნური სუნთქვის აპარატების საჭირო რაოდენობა მიეღო კორონავირუსით დაინფიცირებული მძიმე პაციენტებისთვის და დაისონის კომპანია ამ აპარატების შემუშავებისთვის მიიწვია.

ოპოზიციამ ამ მიმოწერას კონსერვატიული ბიზნესმენების მფარველობის და პრივილეგიების მტკიცებულება უწოდა. თუმცა, ჯონსონი ამბობს, რომ სიგიჟეა ამ ყველაფერში რამე საჩოთირო დაინახო. მთავრობა ამტკიცებს, რომ პადნემიის პირობებში ქვეყნის ინტერესებით მოქმედებდა.

მთავრობაში დაიწყო იმის ძიება და შემოწმება, თუ საიდან გაჟონა ინფორმაციამ. ბევრმა მედიასაშუალებამ ინფორმაციის გაჟონვა პირდაპირ დაუკავშირა კამინგსს. სწორედ ამას უპასუხა პრემიერის ყოფილმა მრჩეველმა საკუთარ ბლოგში დ ა უარყო, რომ ინფორმაციის გაჟონვის წყარო ის არის.

იმ ადამიანის სენსაციური ბლოგი, რომელიც წარსულში ბორის ჯონსონი უერთგულესი მოკავშირე იყო, შეიძლება დიდი სკანდალის დასაწყისი აღმოჩნდეს. ყველაზე ინფორმირებულ ადამიანს შეუძლია უამრავი ინფორმაცია გაამჟღავნოს, რომელზეც დაუნინგ სთრითზე მუშაობისას მიუწვდებოდა ხელი. პრაქტიკულად, მან თავის დაცვასთან ერთად უკვე გაამჟღავნა ჯონსონის სამზარეულოს დეტალები, თუნდაც ბინის რემონტთან დაკავშირებულ საკითხში.

რა იქნება მომავალში?

კამინგსი პირობას დღებს, რომ ყველა კითხვას 26 მაისს უპასუხებს. სწორედ ამ დღეს არის დაგეგმილი მისი გამოსვლა საპარლამენტო კომისიის წინაშე, რომელიც კორონავირუსის პანდემიასთან ბრძოლაში მთავრობის ქმედებებს შეისწავლის.

კამინგსმა საკუთარ ბლოგში დაწერა, რომ მზად არის გამოაქვეყნოს ყველა ელექტრონული წერილი, რომელიც 2019 წლის ივლისიდან 2020 წლის ნოემბრამდე მიიღო, ანუ იმ დროს, როცა პრემიერის უფროსი მრჩევლის პოსტზე მუშაობდა.

“მსგავსი საკითხების მოგვარების სწორი გზა იქნება სასწრაფოდ დაიწყოს საპარლამენტო გამოძიება კოვიდ19–ის კრიზისთან დაკავშირებით მთავრობის ქმედებების შესასწავლად, რომელმაც უნდა შეაგროვოს ყველა საკვანძო ფიგურის ჩვენებები და მიიღოს წვდომა დოკუმენტებთან“– წერს კამინგსი.

 

ბოლო დროს უშნოდ იყო ატეხილი, ყველას ეძველბიჭებოდა – ელისაშვილი გიორგი ვაშაძეზე

"ბოლო დროს უშნოდ იყო ატეხილი, ყველას ეძველბიჭებოდა "-ამის შესახებ „მოქალაქეების“ ლიდერმა ალეკო ელისაშვილმა ტელეკომპანია...

ბავშვებს იბირებს, შეპირდა პირობების გაუმჯობესებას – მეუფე ნიკოლოზი ომბუდსმენზე

"ბავშვებს იბირებს, შეპირდა პირობების გაუმჯობესებას"- ახალქალაქისა და კუმურდოს მიტროპოლიტი მეუფე ნიკოლოზი აცხადებს, რომ სახალხო...

კაცს რომელმაც ცოლს სასიკვდილოდ სცემა, პროკურატურამ ბრალდება წარუდგინა

საქართველოს პროკურატურამ ოჯახის წევრის მიმართ ჯანმრთელობის განზრახ მძიმე დაზიანების ფაქტზე, რამაც სიცოცხლის მოსპობა გამოიწვია,...

ერთი მხრივ ღრმად კორუმპირებულია და მეორე მხრივ, ცენზორი – გვარამია კახა ბექაურზე

"ერთი მხრივ ღრმად კორუმპირებულია და მეორე მხრივ, ცენზორი "- აცხადებს, "მთავარი არხის" გენერალური დირექტორი...

მხარს დავუჭერთ საქართველოს რეფორმების გზას – ევროკავშირისა და აშშ-ს ერთობლივი განცხადება

"მხარს დავუჭერთ საქართველოს რეფორმების გზას, მტკიცედ გვაქვს გადაწყვეტილი, ვიმუშაოთ სამხრეთ კავკასიაში გრძელვადიანი მშვიდობის, მდგრადობისა...

შავშვებთან მომხდარი ავტოავარიის საქმეზე სატვირთო ავტომობილის მძღოლს 10 წელი მიუსაჯეს

2020 წლის 29 ოქტომბერს, შავშვებთან მომხდარი ავტოავარიის საქმეზე სატვირთო ავტომობილის მძღოლს გორის რაიონულმა სასამართლომ...

უნდა განვიხილოთ საქართველოს ნატოში გაწევრიანების საკითხი,ეს გააცამტვერებს პუტინის გეგმებს – შაჰინი

"სერიოზულად უნდა განვიხილოთ ნატო-ში უკრაინისა და საქართველოს გაწევრიანების საკითხი - მათი გაწევრიანება გააცამტვერებს პუტინის...

ვერ ახერხებენ მოწმეები ცრუ ჩვენების მიცემაში წინასწარ კარგად ავარჯიშონ – ნიკა მელიას ადვოკატი

“ვერ ახერხებენ მოწმეები ცრუ ჩვენების მიცემაში წინასწარ კარგად ავარჯიშონ “- ენმ-ის თავმჯდომარის, ნიკა მელიას ადვოკატის,...

ანჯელინა ჯოლი ყოფილ ქმარს საიდუმლოდ ესტუმრა

ანჯელინა ჯოლი ყოფილ ქმართან მოულოდნელი ვიზიტისას შენიშნეს. 46 წლის მსახიობი მის პირველ ქმარს, 48 წლის ჯონი ლი მილერს ნიუ იორკში ესტუმრა. ჯოლი ნიუ იორკში ბავშვებთან...

კოვიდის ახალ ვარიანტს “კლასიკური კოვიდისგან“ განსხვავებული სიმპტომები აქვს. რას უნდა მიაქციოთ ყურადღება

მედიკოსები გვირჩევენ უკიდურესი სიფრთხილე და ყურადღება გამოვიჩინოთ: კორონავირუსის ახალი ვარიანტი, რომელიც განსაკუთრებით ფართოდ ბრიტანეთში გავრცელდა,განსხვავებული  სიმპტომებით გამოირჩევა. კორონავირუსის კლასიკურ სიმპტომებს, როგორიც არის ხველა, მაღალი ტემპერატურა,...

ანჯელინა ჯოლი ყოფილ ქმარს საიდუმლოდ ესტუმრა

ანჯელინა ჯოლი ყოფილ ქმართან მოულოდნელი ვიზიტისას შენიშნეს. 46 წლის მსახიობი მის პირველ ქმარს, 48 წლის ჯონი ლი მილერს ნიუ იორკში ესტუმრა. ჯოლი ნიუ იორკში ბავშვებთან...