ცილისმწამებლური პიარკამპანია – შოთაძე მისი ქონების შესახებ მომზადებულ რეპორტაჟზე

საქართველოს გენერალური პროკურორი ირაკლი შოთაძე ეხმიანება მთავარი არხის ეთერში გასულ რეპორტაჟს მის ქონებასთან დაკავშირებით.

შოთაძის თქმით, ინფორმაცია ცალმხრივად გაშუქდა მისი დისკრედიტაციის მიზნით.

“საზოგადოების ინფორმირების მიზნით, მსურს გამოვეხმაურო ზოგიერთ მასმედიის საშუალებებში გასულ განზრახ დამახინჯებულ ინფორმაციას ჩემი ოჯახის საკუთრებაში არსებულ უძრავ ქონებასთან დაკავშირებით. პირველ რიგში, ხაზი მინდა გავუსვა იმას, რომ არცერთ ამ მედიასაშუალებას დამახინჯებული ფაქტის ანონსში გასვლამდე არ ჰქონია მცდელობა დამკავშირებოდა მე ან საზოგადოებასთან ურთიერთობის სამსახურს და სიუჟეტში გასული ინფორმაციის რეალობა გადაემოწმებინა.

მხოლოდ გადაცემის ეთერში გასვლამდე ცოტა ხნით ადრე დაუკავშირდნენ პროკურატურის პრესსამსახურს, რაც ცალსახად უსვამს ხაზს მათ არაობიექტურობას, ინფორმაციის ცალმხრივად და სუბიექტურად გაშუქების მოტივაციას, რაც საბოლოო ჯამში მიზნად ისახავს საზოგადოების შეცდომაში შეყვანას და ჩემს პიროვნულ დისკრედიტაციას, ჩემი საქმიანობიდან გამომდინარე”,– აცხადებს შოთაძე.

მისივე მტკიცებით, სიუჟეტში არ არის ნაჩვენები მისი ბინის სურათები, არამედ ასახულია სხვა მისამართზე მდებარე ბინა.

“სიუჟეტში გავიდა, რომ თითქოს ცაგარელის ქუჩაზე მდებარე ჩემი საცხოვრებელი ბინის რემონტში დახარჯული მაქვს მილიონი ლარი, ამ შემთხვევაში სიუჟეტში გასული ინფორმაციის ციტირებას მოვახდენ – “ 100 ათასი ლარზე მეტი მხოლოდ სამზარეულოში, შპალერი სპეციალური შეკვეთით ევროპიდან, ექსკლუზიური სარემონტო მასალები გენერალური პროკურორის რეზიდენციისთვის, საიდან მოიტანა მილიონი ლარი ევრორემონტისთვის”.

ამავე სიუჟეტში გაჟღერებული ინფორმაციის დასადასტურებლად აჩვენეს ჩემთვის უცნობი საცხოვრებელი სახლის და არა ჩემი ბინის ინტერიერის სურათები (აქვე მივუთითებ ბმულს იმ ვებგვერდისა, საიდანაც აღებულია ეს სურათები http://interierisdizaini.ge/…/%E1%83%91%E1%83%98%E1%83…). როდესაც გაჟღერებული ინფორმაციის გადამოწმება საკმაოდ მარტივია, სიუჟეტის ავტორს, არც კი უცდია რაიმეს გადამოწმება და ყოველგვარი მტკიცებულების გარეშე, ამტკიცებს, რომ ინტერნეტსივრცეში არსებული ბინის ინტერიერის სურათები არის ჩემი ბინის სურათები.

საცხოვრებელი ბინა ცაგარელის ქუჩაზე, სადაც მე დღესაც ვცხოვრობ, შევიძინე 2016 წელს, იმავე წელს დავიწყე რემონტი და დავამთავრე 2017 წელს, რემონტის დროს არანაირი ექსკლუზიური მასალა ევროპიდან არ ჩამომიტანია, ყველაფერი შეძენილი მაქვს ადგილობრივ ბაზარზე და რემონტის ღირებულება მითითებული მაქვს დეკლარაციაში”,– აცხადებს შოთაძე.

მთავარი პროკურორის თქმით, სიუჟეტის ეთერში გასვლის შემდეგ დაუკავშირდა ბინის რეალური მესაკუთრე და აღმოჩნდა, რომ არსებული ბინა მდებარეობს ცაგარელის ქუჩის სხვა მისამართზე, ამიტომ, მოუწოდებს სიუჟეტის ავტორებს, წარადგინონ ინფორმაციის დამადასტურებელი რაიმე მტკიცებულება, ან უარყონ ყალბი ინფორმაცია.

მისივე განმარტებით, სოფელ წავკისში მიწის ნაკვეთის 35% 123 ათას დოლარად იყიდა, ჟურნალისტები კი ამტკიცებენ, რომ მიწის ნაკვეთი მთლიანად მისია.

“ვიმედოვნებ ამ სიუჟეტების შემქმნელები ამ ეტაპზე მაინც იხელმძღვანელებენ მინიმალური ჟურნალისტური სტანდარტებით და ეთიკური ნომრებით, წარმოადგენენ საჯაროდ მათ მიერ გავრცელებული ინფორმაციის დამადასტურებელ რაიმე მტკიცებულებას, თუ არა და უარყოფენ მათ მიერ გავრცელებულ, ყალბ ინფორმაციას”,– აღნიშნავს შოთაძე.

“ივანიშვილს დაემსგავსნენ მატყუარა ზებრა-მინისტრებიც და ეს უბადრუკი, ლაყედ მატყუარა დეპუტატებიც“–ლაშა ბუღაძე

მწერალი ლაშა ბუღაძე თვლის, რომ “ასეთი ცრუ-ქვეყანა საქართველო არასდროს ყოფილა“, როგორც ივანიშვილის მმართველობის პერიოდშია....

არ გამოვრიცხავ, არჩევნებამდე “ოცნება” დარჩეს ერთპარტიულ პარლამენტში მარტო – დეკანოიძე

"ჩვენ ბოიკოტის შეწყვეტის გადაწყვეტილება მივიღეთ ყველაზე ბოლო, ახალი პოლიტიკური რეალობის გათვალისწინებით, მათ შორის პოლიტსაბჭოზე...

უვაქცინობა შეიძლება შეფასდეს სიცოცხლის უფლების დარღვევად – ლომჯარია

ომბუდსმენის, ნინო ლომჯარიას თქმით, ქვეყანაში ვაქცინების საკმარისი რაოდენობის არარსებობა, შესაძლოა, შეფასდეს სახელმწიფოდ მხრიდან ადამიანის...

“არა ჩადებას!“–გახარია სააკაშვილთან შეხვედრის შესახებ ინფორმაციას ფოტოთი პასუხობს

ყოფილი პრემიერის, გიორგი გახარიას გვერდზე გამოქვეყნდა ფოტომონტაჟი წარწერით “არა ჩადებას!“. ფოტოზე გახარია, ივანიშვილი და...

მელია დავინახე, ვარჯიშობდა, ესაა ერთადერთი გადაკვეთა – გახარიას პარტიის წევრი

გახარიას პარტიის დელეგაციის წევრი, ლევან დოლიძე ეხმიანება რუსთავი 2-ის მიერ გავრცელებულ ინფორმაციას, რომ გახარია...

თუკი დაგვჭირდა ყურადღება, ამაზეც უნდა წავიდეთ – მელია პარლამენტის დატოვებაზე

"რასაც ქართული ოცნება უკანასკნელი დღეების განმავლობაში აკეთებს, არის პოლიტიკური თვითმკვლელობა. თქვენ გგონიათ, რომ ქართული...

ხობში წყლით სავსე რეზერვუარში 2 წლის ბავშვი დაიხრჩო

ხობში ორი წლის ბავშვი დიდ, წყლით სავსე ავზში დაიხრჩო. არსებული ინფორმაციით, ბავშვი დიდი ზომის,...

არანაირი შეხვედრა არ ყოფილა – უდუმაშვილი გახარია-სააკაშვილზე

ენმ-ს წევრი ზაალ უდუმაშვილი უარყოფს რუსთავი 2-ის მიერ გავრცელებულ ინფორმაციას, რომ მიხეილ სააკაშვილი და...

“ივანიშვილს დაემსგავსნენ მატყუარა ზებრა-მინისტრებიც და ეს უბადრუკი, ლაყედ მატყუარა დეპუტატებიც“–ლაშა ბუღაძე

მწერალი ლაშა ბუღაძე თვლის, რომ “ასეთი ცრუ-ქვეყანა საქართველო არასდროს ყოფილა“, როგორც ივანიშვილის მმართველობის პერიოდშია. ლაშა ბუღაძე ფეისბუქ სტატუსს წერს, რომელშიც ამბობს რომ ივანიშვილმა ერთ...

ამერიკა კოვიდ-19-ის სამკურნალო პრეპარატებში მილიარდობით დოლარს დებს

შეერთებული შტატების ინვესტიცია კოვიდ-19-ის ანტივირუსული პრეპარატების შექმნის საქმეში და ასევე, პოტენციურად სხვა სახიფათო ვირუსულ პანდემიებთან ბრძოლაში, 3.2 მილიარდ დოლარს შეადგენს. თეთრი სახლის მთავარმა მრჩეველმა...

“მე რომ მომცენ დღეს უფლება, სიამოვნებით წავალ მოსკოვში” – იმედა კახიანის თქმით, ეს მსახიობებისთვის ერთადერთი იარაღია

მსახიობმა იმედა კახიანმა "ღამის კურიერის" ეთერში განაცხადა, რომ მსახიობების მხრიდან რუსეთში ჩასვლა და იქ სპექტაკლის გამართვა, საკუთარი ქვეყნის დაცვის ერთგვარი ხერხია. მისივე მოსაზრებით, ეს არის...