სალომე ზურაბიშვილი ფეხბურთელ გიორგი შაქარაშვილის დაღუპვის ამბავს “ფეისბუქის” პირად გვერდზე ეხმაურება. პრეზიდენტი გარდაცვლილის ოჯახს უსამძიმრებს და მომხდარს დიდ ტრაგედიას უწოდებს.
“ვუსამძიმრებ გიორგი შაქარაშვილის ოჯახს და გამოვთქვამ დიდ მწუხარებას. ამ ქვეყანაში რომ აღარ დასრულდა ახალგაზრდათა შორის ერთმანეთის სასიკვდილოდ გამეტება, ეს ჩვენი ქვეყნის დიდი ტრაგედიაა!”- წერს სალომე ზურაბიშვილი სოციალურ ქსელში.
ცნობისთვის, 19 წლის შაქარაშვილის ცხედარი ოთხდღიანი ძებნის შემდეგ მდინარე არაგვის მიმდებარე ტერიტორიაზე იპოვეს.
