აშშ-ს დაზვერვის სამსახური აცხადებს რომ ჩინეთის ხელისუფლება კორონავირუსით ინფიცირებულთა და გარცავლილთა მონაცემებს მალავს. ამის შესახებ ინფორმაციას სააგენტო Bloomberg-ი წერს.
როგორც სტატიაშია აღნიშნული, წინა კვირას დაზვერვის სამსახურმა თეთრ სახლს საიდუმლო მოხსენება წარუდგინა, რომელშიც შესაბამისი შეფასებებია გაკეთებული. ამ მოხსენების მიხედვით, ჩინეთმა დამალა ის მონაცემები რაც რეალურად იყო და ინფიცირებულთა და გარდაცვლილთა რაოდენობის შესახებ არასრული მონაცემები გამოაქვეყნა.
ცნობისთვის, ჩინეთის ხელისუფლების ოფიციალური ინფორმაციით, Covid 19-ის პირველი შემთხვევა ხუბეის პროვინციის დედაქალაქ უხანში 2019 წლის დეკემბრის ბოლოს დაფიქსირდა.
ოფიციალური მონაცემებით, ჩინეთში კორონავირუსით ინფიცირების 82 361 შემთხვევაა აღრიცხული. მათ შორის გარდაცვალების 3 316 და გამოჯანმრთელების 76 405 შემთხვევა.
