სომხეთის განათლების, მეცნიერების, კულტურისა და სპორტის მინისტრი არაიკ ჰარუთიანიანი მოითხოვს საქართველოს მესამე პრეზიდენტს მიხეილ სააკაშვილს ერევნის სახელმწიფო უნივერსიტეტის საპატიო დოქტორის წოდება ჩამოერთვას. ამის შესახებ სომხური სააგენტო ავრცელებს ინფორმაციას.
მედიის ცნობით, ამ წინადადებით განათლების მინისტრმა უკვე მიმართა ერევნის სახელმწიფო უნივერსიტეტის სამეცნიერო საბჭოს.
სომხეთის განათლების მინისტრის ეს მოწოდება უკავშირდება მიხეილ სააკაშვილის განცხადებას, სადაც მან აღნიშნა, რომ მთიანი ყარაბაღი აზერბაიჯანს ეკუთვნის და ამას ვერაფერი შეცვლის.
