თბილისის ინფექციური საავადმყოფოს ხელმძღვანელის თენგიზ ცერცვაძის ინფორმაციით, საქართველოში კორონავირუსით რეინფიცირების 3 შემთხვევაა დაფიქსირდა.
მისი განმარტებით, შესაძლოა ვირუსის გადატანის შემდეგ გამომუშავებულ ანტისხეულებს საკმარისი დამცველი პოტენციალი არ ჰქონდეს.
“შეიძლება ანტისხეულები გამომუშავდეს და ისინი არ იყვნენ საკმარისი დამცველი პოტენციალით აღჭურვილი. ისევე, როგორც ზოგიერთ კოვიდ გადატანილს დღეს უვითარდება მეტნაკლებად ძლიერი იმუნიტეტი და ზოგს არა. იყო ასეთი რამოდენიმე შემთხვევა, როდესაც არ ჰქონდათ ანტისხეულები და შეიძლება მეორედ დაემართოთ კოვიდი. დაემართა უკვე რამოდენიმე ჩვენ ყოფილ პაციენტს. ჩვენთან დაახლოებით დადასტურებული სამი შემთხვევაა”, – განაცხადა ცერცვაძემ ფორმულას ეთერში.
ცნობისთვის, ამ დრომდე საქართველოში COVID-19-ით რეინფიცირების შემთხვევა არ იყო დაფიქსირებული.
