საქართველო-სომხეთის საზღვარზე იარაღით დატვირთული სატვირთო არ გაატარეს. ინფორმაციას ამის შესახებ აზერბაიჯანული მედია ავრცელებს.
აზერბაიჯანული მედიაში ნათქვამია ისიც, რომ საქართველოს ხელისუფლება კიდევ ერთხელ ხაზს უსვამს საკუთარ პოლიტიკურ ნებას, რაც სომხეთისათვის საქართველოს ტერიტორიის გავლით, სამხედრო ტვირთის ტრანზიტის აკრძალვას ითვალისწინებს.
გამოცემა ავრცელებს ფოტო და ვიდეო კადრებს, რომლის მიხედვით დასტურდება, რომ სატვირთო მანქანის მძღოლებს სომხეთში ავტომობილში დამონტაჟებული ავტომატური მართვის სისტემა გადაჰქონდათ, რომელიც სამეთაურო პუნქტებზე ჯარების გასაკონტროლებლად დგება და ქვედანაყოფების მოქმედებების კოორდინაციას, ასევე, სარაკეტო ძალებისა და საარტილერიო დანაყოფების ცეცხლის კონტროლს ითვალისწინებს.სამხედრო ავტომატური მართვის სისტემის ტრანსპორტირება ცნობილი სომხური სატრანსპორტო კომპანია “სპაიკას” კუთვნილი სამოქალაქო სატვირთო ავტომანქანით ხორციელდებოდა.
