ყვარელი-თელავის დამაკავშირებელ გზაზე მიკროავტობუსი გადაბრუნდა. შედეგად დაშავდა 11 მგზავრი, რომლებიც რთველში სამუშაოდ მიდიოდნენ.
დაშავებულები თავდაპირველად ადგილობრივ საავადმყოფოში მოათავსეს, თუმცა მოგვიანებით 8 მათგანი თელავის რეფერალურ საავადმყოფოში გადაიყვანეს. ექიმის თქმით, ორ დაშავებულს უკვე ჩაუტარდა ქირურგიული ოპერაცია. რაც შეეხება დანარჩენებს, მათ უტარდებათ შესაბამისი სამედიცინო დახმარება.
კლინიკის დირექტორის ხათუნა ჭონიაშვილის ინფორმაციით, ამ ეტაპზე მათი მდგომარეობა სტაბილურად მძიმეა და სიცოცხლეს საფრთხე არ ემუქრება.
“ჩემს კლინიკაში 8 პაციენტი შემოიყანეს. ორ მათგან ჩავუტარეთ ქირურგიული ოპერაცია. ხვალ კი კიდევ ორი დაშავებულის ოპერაციაა ჩანიშნული. მათ ძირითადად მოტეხილობები აღენიშნებათ. მათი ჯანმრთელობის მდგომარება ამ ეტაპზე დამაკმაყოფილებელია.”- თქვა ხათუნა ჭონიაშვილმა.
