“ხელისუფლებას ჩრდილოეთის ვექტორი აქვს აღებული“–მამუკა ხაზარაძის რეაქცია ამერიკელი კონგრესმენის წერილზე
პოლიტიკური გაერთიანება „ლელოს“ ლიდერი მამუკა ხაზარაძე კონრეგსმენ მალინის კრიტიკულ წერილს საქართველოს პრემიერმინისტრისადმი სპეციალური ბრიფინგით ეხმაურება და ამბობს, რომ ასეთი მწვავე შეფასება აშშ-საქართველოს პატიორობას ეჭვქვეშ აყენებს.

კონრეგსმენმა მარკვეინ მალინმა გიორგი გახარიას ღია წერილი მისწერა, რომელშიც საუბარია დემოკრატიული ღირებულებებიდან გადახვევაზე, ამერიკული კომპანიებისადმი უარყოფით დამოკიდებულებაზე საქართველოში და ქვეყნის ეკონომიკური განვითარების შეჩერებაზე.

მამუკა ხაზარაძე ამბობს, რომ ასეთი შეფასებები ქვეყნის სტრატეგიული პარტიორის მხრიდან სახიფათოა და მიუთითებს იმაზე, რომ „ოცნებას“ დასავლური ვექტორის ნაცვლად, ჩრდილოეთის ვექტორი აქვს აღებული.


„ეს არის უკვე მეორე განცხადება, რომელიც კონგრესმენებმა საქართველოში მიმდინარე მოვლენებთან დაკავშირებით გააკეთეს. და ეს პრაქტიკულად ეჭვქვეშ აყენებს იმ სტრატეგიულ ურთიერთობას, რომელიც ბოლო 30 წლის განმავლობაში ძალიან დიდი შრომისა და ენერგიის შედეგად ჩამოყალიბდა აშშ-სა და საქართველოს შორის.

ქვეყნის ეს კურსი არის აბსოლუტურად აცდენილი ჩვენს სახელმწიფოებრივ კურსს. ეს კურსი არის ბიძინა ივანიშვილის, რომელიც ვერ ამბობს და ვერ ეუბნება უარს თავის პარტიორებს რუსეთში და კრემლში და შესაბამისად, ქვეყანა მიემართება სხვა მიამრთულებით.

ეს შეფასება ეჭვქვეშ აყენებს იმ ეკონომიკურ ურთიერთობებს, რომელიც ჩამოყალიბდა ჩვენს ქვეყნებს შორის და ნათლად მიანიშნებს, რომ ქვეყანა, დღევანდელი ხელისუფლების – ოცნების ხელმძღვანელობით არის ორიენტირებული ჩრდილოეთ ვექტორზე,“ – ამბობს ხაზარაძე.


მამუკა ხაზარაძე აცხადებს, რომ ხელისუფლების მხრიდან აშშ-ს მიმართ მტრული განწყობა იგრძნობა, რაც არის მიზანმიმართული, სახელმწიფოს მიერ დაგეგმილი სპეოპერაცია. 
Print
ბოლო სიახლეები