საქართველოში ბენზინი გაძვირდა
ბენზინი ისევ გაძვირდა. ფასებმა ყველა ტიპის საწვავზე 5-5 თეთრით მოიმატა და ღირებულების რეკორდულ ნიშნულს მიაღწია. ზოგ შემთხვევაში ფასის მატება 15–20 თეთრს აღწევს. 

ფასების მატებას ნავთობ-იმპორტიორები ეროვნული ვალუტის ბოლოდროინდელი გაუფასურებით ხსნიან და ფასების ზრდას მომავალშიც აანონსებენ.

მოსახლეობის ნაწილი ბენზინის ფასის გაძვირებას ხელოვნურს უწოდებს და აცხადებს, რომ ფასების ზრდა ერთეული ადამიანების სასარგებლოდ ხდება.

გაძვირება ფიქსირდება როგორც ბრენდირებულ, ასევე არაბრენდირებულ სადგურებზე.

საერთაშორისო ბაზარზე ბარელის ფასი მნიშვნელოვნად არ იზრდება, ამიტომ ნავთობ-იმპორტიორები აცხადებენ, რომ ამ გაძვირების მიზეზი  ეროვნული ვალუტის გაუფასურებაა.

ეროვნული ვალუტა მხოლოდ ბოლო 24 საათის განმავლობაში 4 თეთრით გაუფასურდა.
Print
ბოლო სიახლეები