სხვადასხვა
This Is America გრემის მთავარი პრიზი რეპმა პირველად მიიღო
ლოს ანჟელესში მუსიკალური პრემია გრემის 61–ე ცერემონიალი გაიმართა. 2019 წლის გრემის ცალსახა ტრიუმფატორი მომღერალი Childish Gambino გახდა. ეს ამერიკელი შემსრულებლის, მსახიობის, კომიკოსის და მუსიკოსის დონალდ გლოვერის სასცენო ფსევდონიმია. მისმა კომპოზიციამ, This is America გრემის მთავარი ნომინაცია “წლის ჩანაწერი“ მიიღო. ამავე ტრეკმა გაიმარჯვა კატეგორიაში “წლის სიმღერა“. წინა ნომინაციისგან განსხვავებით ეს ნომინაცია სიმღერის ავტორს გადაეცემა და არა შემსრულებელს. კომპოზიციამ გრემის კიდევ ორ ნომინაციაში გაიმარჯვა: საუკეთესო მუსიკალური ვიდეო და საუკეთესო რეპ–სიმღერის შესრულება. თავად გლოვერმა თავიდანვე უარი განაცხადა ცერემონიალზე სიტყვით გამოსვლაზე, შესაბამისად ჯილდოების გადაცემაც გამოტოვა.
გრემის ისტორიაში რეპ სიმღერამ პირველად მოიპოვა მთავარი პრიზი.


Print
ბოლო სიახლეები