რიკოთის საავტომობილო მაგისტრალის მშენებლობაზე 3 მუშა დაშავდა
რიკოთის საავტომობილო მაგისტრალის მშენებლობაზე 3 მუშა დაშავდა - ამის შესახებ ინფორმაციას რკინიგზელთა ახალი პროფკავშირი ავრცელებს. დაშავებულებიდან ერთ-ერთის მდგომარეობა მძიმეა, დანარჩენი ორის სიცოცხლეს კი საფრთხე არ ემუქრება.

„დღეს დილით, რიკოთის საავტომობილო მაგისტრალის მშენებლობაზე, რომელსაც ჩინური კომპანია აწარმოებს, სამუშაო ობიექტი ჩამოინგრა.

ნგრევაში სამი დასაქმებული მოჰყვა, მათგან ორი მსუბუქად დაშავდა ხოლი ერთი მუშის მდგომარეობა მძიმეა.

დაშავებულები ქუთაისის რეფერარულ საავადმყოფოში გადიან მკურნალობას.

ადგილზე იმყოფებიან რკინიგზელთა ახალი პროფკავშირის ლიდერები.

შეგახსენებთ, ჩინურ კომპანიასთან დასაქმებულებს დაწყებული აქვთ კოლექტიური შრომითი დავა. შრომის უსაფრთხოების და შრომითი პირობების უხეში დარღვევის ფაქტები პროფკავშირის მხრიდან უკვე იდენთიფიცირეულია და მიმდინარეობს მედიაციის პროცესი“ - წერია განცხადებაში.
Print
ბოლო სიახლეები