საფრანგეთის პრეზიდენტმა პარიზის ღთისმშობლის ტაძრის აღდგენის პირობა დადო
საფრანგეთის პრეზიდენტმა, ემანუელ მაკრონმა პარიზის ღვთისმშობლის ტაძრის აღდგენის პირობა დადო. მისი განცხადებით, წამოიწყებს საერთაშორისო კამპანიას ტაძრის რესტავრაციისთვის თანხების შესაგროვებლად.
ემანუელ მაკრონი ტაძართან მივიდა და მომხდარს შემზარავი ტრაგედია უწოდა. თუმცა ამავე დროს აღნიშნა, რომ მოვლენების განვითარების ყველაზე უარესი ვარიანტის თავიდან აცილება მოხერხდა.

მანამდე მეხანძრეებმა განაცხადეს, რომ ტაძრის ორი კოშკის გადარჩენა სავარაუდოდ მოხერხდება. მანამდე ისინი შიშობდნენ, რომ კოშკები შესაძლოა ჩამოშლილიყო.

ხანძარმა სრულად გაანადგურა ტაძრის ინტერიერი, სახურავი და სამრეკლო. მოხერხდა ტაძარში დაცული რელიქვიების გადარჩენა. მათ შორის არის ქრისტეს ეკლის გვირგვინი.

Print
ბოლო სიახლეები