“როცა გართმევენ ერთ იარაღს,უნდა მოიმარჯვო მეორე.ჩვენ დავბრუნდით“–გვარამიას ვიდეომიმართვა
რუსთავი2–ის ყოფილი გენერალური დირექტორი, ნიკა გვარამია ფეისბუქზე ვიდეოს ავრცელებს სათაურით  “დედა@@@@ნულო სვავო, ჩვენ დავბრუნდით!“.

ნიკა გვარამია ამბობს, რომ ივანიშვილის წინააღმდეგ ბრძოლიდან გასვლას არ აპირებს და მალე, სადმე სხვაგან, სხვა ფორმით და სხვა ფორმატით ის და მისი გუნდი ისევ გამოჩნდებიან:

“  უნდა გავაკეთოთ ყველაფერი, რომ ნამდვილი, მართალი პოზიცია შენარჩუნდეს.
უნდა გავაკეთოთ ყველაფერი, რომ ბიძინა ივანიშვილმა ეს ქვეყანა ვერ წაიღოს, იმიტომ რომ 7 წლის განმავლობაში ჩვენ, მე და ჩემმა გუნდმა მივიყვანეთ ყველაფერი იქამდე, რომ მხოლოდ გასაფორმებელი გახდა ამ კაცის წასვლა. ამ ტელეკომპანიის წართმევა სწორედ ამის წინააღმდეგ არის ნაბიჯი. ამ ტელეკომპანიის წართმევა ზუსტად იმის გამოხმაურებაა, რაც სურდათ რუსებს, იმიტომ რომ ეს ტელეკომპანია იყო პირველი მცველი და გუშაგი რუსეთის აქ ბოლომდე ინფილტრაციის გზაზე. და ასეთი გუშაგები უნდა დარჩნენ, მიუხედავად რომ რუსთავი2 წაიღეს და სამწუხაროდ წაიღეს რუსებმა.

ამ ქვეყანაში ყველამ, ჩემი ჩათვლით უნდა გავაკეთოთ ყველაფერი, რომ საქართველო დავიცვათ და გადავარჩინოთ. რუსთავი ორის მაუწყებლობა იყო იმისთვის, რომ ასრულებდა საქვეყნო ფუნქციას. დიახ, ეს ფუნქცია მეც ავიღე შვიდი წლის წინ ჩემს თავზე. მე ახლაც შემიძლია გავექცე ამ ფუნქციას და მშვიდად ვიყო და ვიყო სხვაგან, მაგრამ მინდა ეს ფუნქცია ბოლომდე შევასრულო და ბოლომდე მივიყვანო დაწყებული ბრძოლა. რუსთავი2 იყო მხოლოდ იარაღი ქვეყნის დასაცავად. და როცა გართმევენ ერთ იარაღს, უნდა მოიმარჯვო მეორე. საქმე მებრძოლებშია და ბრძოლაშია და არა იარაღში. იარაღი მნიშვნელოვანია ძალიან, მაგრამ შეცვლადია. ჩვენ უნდა მოვიგონოთ სხვა იარაღი, რომელსაც მოვიმარჯვებთ.
ყველაფერი წინაა, ხელები არ ჩამოუშვათ, მოკლეს რუსთავი2 მაგრამ არ მოუკლავთ ქვეყანა.
სადმე სხვა ადგილიდან, ან სადმე სხვა ფორმატით აუცილებლად ვიტყვით, ჩვენ დავბრუნდით.“– ამბობს გვარამია.


Print
ბოლო სიახლეები