ნიკა გვარამიას ახალი არხი უკვე დარეგისტრირდა. ვინ არიან დამფუძნებლები და დირექტორები
ნიკა გვარამიას მიერ რუსთავი2–ის დირექტორობიდან მისი გაშვების შემდეგ დაანონსებული ახალი არხი უკვე რეგისტრირებულია. ნიკა გვარამიამ ამის შესახებ ფეისბუქზე დაწერა და რეესტრიდან შპს მთავარი არხის ამონაწერიც დადო, რომელშიც წილის 51%–ის მფლობელად თავად გვარამიაა მითითებული, 49%–ის მფლობელი კი კახაბერ ანჯაფარიძეა. ტელეკომპანიის დირექტორები არიან რუსთავი ორის ყოფილი იურისტები დიმიტრი საძაგლიშვილი და  თამთა მურადაშვილი. გენერალური დირექტორი თავად ნიკა გვარამიაა. ფინანსური დირექტორი კი ირაკლი ნიჟარაძე.

“მაშ ასე, ტელეკომპანია “მთავარი არხი” დაფუძნდა. საკონტროლო პაკეტის მფლობელი და დირექტორი გახლავართ მე, თქვენი მონა მორჩილი.

წილების ეს კომპიზიცია დროებითია და პირობითი. მალე გაიგებთ ინვესტორების, შენობის, სიხშირის და, თქვენი დიდი იმედი გვაქვს, ანგარიშის შესახებ, რომელზე თქვენი შემონატანი ერთი ლარიც კი ძალიან დაგვეხმარება ჩვენ და იქნება ინვესტიცია საქართველოს დასავლურ და დემოკრატიულ მომავალში.

მაშ ასე, ჩვენ ვიწყებთ! ძალიან მალე ეთერში! უფრო ადრე, ვიდრე გგონიათ.“ – წერს ნიკა გვარამია.

Print
ბოლო სიახლეები