“მოსკოვიდან ამენთო წითელი თქვენი სამსახურის მეშვეობით.იქნება ჩამოკრათ შტეფსელს და გამორთოთ ეს წითელი“ - ემზარ კვიციანი გომელაურს

ფრაქცია პატრიოტთა ალიანსის სხდომაზე, სადაც ახალი მთავრობის შემადგენლობას უსმენდნენ, ემზარ კვიციანმა მისი მოსკოვიდან წამოსვლის დეტალები გაიხსენა და განაცხადა, რომ მოსკოვმა მას “წითელი აუნთო“, თუმცა არ დაუკონკრეტებია, რას გულისხმობს ამ ფრაზაში. კვიციანმა მთავრობის წევრებს ცალ–ცალკე დაუსვა შეკითხვები, ირაკლი ღარიბაშვილს კი ძირითადად მადლობები გადაუხადა.
“მე ფაქტიურად გამოვიქეცი რუსეთიდან, დეპორტაციით წამოვედი. დამეხმარნენ რა თქმა უნდა. კეთილი ადამიანები და შემიძლია სახელი და გვარიც ვთქვა – ეს იყო ქალბატონი მასკალკოვა.ჩემი მამიდაშვილის დაქალი იყო, რომელიც დამეხმარა რომ გამოვქცეულიყავი რუსეთიდან. რუსეთი არ მიშვებდა და თქვენ აქ არ მიღებდით.რა იყო მიზეზი დღემდე არავინ არ იცის. დამსახურებაა ბატონი ირაკლის ღარიბაშვილის, რომ ჩვენი ოჯახი, რომელიც ქუჩაში იყო დარჩენილი შეასახლა ჩვენს ბინაში. და სხვათა შორის ბატონი ირაკლის დამსახურებაა რომ დღეს აქ ვზივარ და არა ციხეში. რისთვის? სამშობლოს დაცვისთვის. ამისთვის დიდი მადლობა ირაკლი ღარიბაშვილს. “–განაცხადა კვიციანმა და ამის შემდეგ ვახტანგ გომელაურს მიმართა:
“ვთქვი, როგორ წამოვედი მოსკოვიდან და როცა წამოვედი იმ მოსკოვიდან ამენთო წითელი და სხვათა შორის თქვენი სამსახურის მეშვეობით, რაოდენ გასაკვირიც არ უნდა იყოს.
თქვენ მაშინ არ მუშაობდით, მაგრამ თქვენი იქ მუშაობის დროს არ ჩაქვრა ის წითელი, რატომღაც. იქნება გამოსვლისას ჩამოკრათ იმ ეგრეთწოდებულ შტეფსელს და გამორთოთ ეს წითელი, ყველა მიმართულებით წითელი რომ არის ანთებული, მათ შორის, სასამართლოში. სასამართლო გაშეშებულია, ვერაფერს აკეთებს“- განაცხადა კვიციანმა.

Print
ბოლო სიახლეები