პრეზიდენტის პრესმდივანმა თანამდებობა დატოვა. მიზეზი კოლეგის მიმართ სოლიდარობა გახდა
პრეზიდენტის პრეს მდივანმა, ხატია მოისწრაფიშვილმა, რომელმაც ამ პოსტზე ცხრა თვე იმუშავა თანამდებობა დატოვა. ოფიციალურად ამ თემაზე კომენტარს არც მოისწრაფიშვილი აკეთებს და არც პრეზიდენტის ადმინისტრაცია, თუმცა გავრცელებული ინფორმაციით ხატია მოისწრაფიშვილს პრობლემები მას შემდეგ შეექმნა, რაც ნოდარ მელაძის რუსთავი2-ის საინფორმაციო სამსახურის უფროსობიდან გათავისუფლების შემდეგ მას ფეისბუქზე სტატუსი მიუძღვნა, რომელშიც ამბობდა, რომ ნოდარ მელაძე მისი მეგობარია, მის მიმართ უამრავი თბილი სიტყვა თქვა და წარმატებები უსურვა. დღეს ეს სტატუსი ხატია მოისწრაფიშვილის ფეისბუქ გვერდზე აღარ იძებნება. თუმცა როგორც ამბობენ, ამ სტატუსმა ხელისუფლების წარმომადგენლების უკმაყოფილება გამოიწვია და მას ამის გამო პრეზიდენტის ადმინისტრაციაში პასუხი მოთხოვეს, მათ შორის პირადად პრეზიდენტმაც. 

პრეზიდენტის პრესმდივნობამდე ხატია მოისწრაფიშვილი შემოსავლების სამსახურის საზოგადოებასთან ურთიერთობისა და მარკეტინგის დეპარტამენტის უფროსი იყო.
Print
ბოლო სიახლეები