"შენი ხელწერა თუ არის მიტინგის დარბევა და ტელევიზიის დახურვა მაშინ პარტნიორად რუსეთი ჩამოგიყალიბდება" – მარგველაშვილი (ვიდეო)
20 ივნისის ღამემ ახალი რეალობა შექმნა, 20 ივნისის ღამე და ტრაგედია იყო კატასტროფა, თუმცა ამ კატასტროფამ შექმნა ძალიან დიდი ხნის მონატრებული ეროვნული მუხტი"– ასე გამოეხმაურა გიორგი მარგველაშვილი 20 ივნისის ღამეს განვითარებულ მოვლენებს, გადაცემა "ბარიერში"

" 20 ივნისის ღამემ ახალი რეალობა შექმნა, 20 ივნისის ღამე და ტრაგედია იყო კატასტროფა, თუმცა ამ კატასტროფამ შექმნა ძალიან დიდი ხნის მონატრებული ეროვნული მუხტი საზოგადოებაში და ეროვნული მუხტის მატარებელი ახალგაზრდობა დარწმუნებული ვარ სერიოზულად შეცვლის იმ უარყოფით მოვლენებს საზოგადოებაში, რაც დღეს არის. ეს არის ნამდვილად პროდასავლური და პოევროპული ღირებულებების მქონე დიდი ჯგუფი. შენი ნაბიჯებით შეიძლება საერთოდ არ გინდოდეს რუსეთისკენ ასვლა, მაგრამ როდესაც ცდილობ რუსთავი2–ის სარედაქციო პოლიტიკა შეცვალო, როდესაც დაარბევ მიტინგს, როდესაც ბიზნესმენი აგიშლის ნერვებს და მის მიმართ პროკურატურას გამოიყენებ, სულ რომ რუსეთი არ გინდოდეს ძალაუნებურად სტილით იქით მიდიხარ, ანუ მსგავსი მიისწრაფის მსგავსისკენ. შეიძლება არ გინდოდეს მაგრამ ბუნებრივად ასე გამოვა. როცა ისეთი პატარა ქვყნის ხელისუფალი ხარ როგორიც საქართველოა, შენ გჭირდება პარტნიორი. ხოლო პარტნიორი, რომელიც ბოლომდე გამოგყვება ტელევიზიების დახურვაზე, მიტინგების დარბევაზე, ბიზნესმენის გაპრესვაზე ამის პარტნიორი რუსეთია." – განაცხადა გიორგი მარგველაშვილმა.

Print
ბოლო სიახლეები