Covid-19–ს მთელ მსოფლიოში კორექტივები შეაქვს ბევრი ადამიანის გეგმებში და ცხოვრების წესში. დღეს ცნობილი გახდა, რომ ვირუსის გავრცელებისგამო შესაძლოა ბრიტანეთის დედოფლის, ელისაბედ მეორის 31 წლის შვილიშვილის, პრინცესა ბეატრისის და 37 წლის იტალიელი არისტოკრატის, ედოარდო მაპელი–მოცის ქორწილი გადაიდოს.
საქმე იმაშია, რომ ედოარდოს ნათესავებმა, რომელიც წარმოშობით ლომბარდიიდან არის შესაძლოა უბრალოდ ლონდონში გაფრენა ვერ შეძლონ ეპიდემიისა და ავიარეისების შეჩერების გამო. შეგახსენებთ, რომ ლომბარდია იტალიის პირველი რეგიონი გახდა, სადაც კორონავირუსის აფეთქების გამო კარანტინი გამოცხადდა.
ცერემონიალი 29 მაისისთვის არის დაგეგმილი, და ჯერჯერობით პროგნოზების გაკეთება რთულია, როგორი იქნება იმ მომენტისთვის ვითარება. ამასთან, იტალიის ჯანდაცვის სფეროს წარმომადგენლები გვაფრხთილებენ, რომ ვირუსის გავრცელება შეიძლება თვეების მანძილზე გაგრძელდეს, დაავადებულთა რიცხვი კი უახლოეს კვირებში კვლავ გაიზრდება.
ინსაიდერების ცნობით, გარდა იმისა, რომ შესაძლოა სტუმრების სიის კორექტირება გახდეს საჭირო, ქორწილს სავარაუდოდ ვერ დაესწრება დედოფლის 99 წლის მეუღლე, პრინცი ფილიპი. მას შვილიშვილის ქრწილის გამოტოვება მოუწევს, თუ ბრიტანეთში ეპიდემია იტალიის მსგავს მაშტაბებს მიაღწევს.
ბოლო პერიოდში კორონავირუსის გამო არაერთი ოფიციალური სამეფო ღონისძიება გადაიდო. ვესტმინსტერის სააბატოში ჩატარებულ ერთა თანამეგობრობის შეკრებაზე კი შეკრებილებს უსაფრთხოების მიზნით ერთმანეთისთვის ხელის ჩამორთმევა აეკრძალათ.
