პოპმომღერალმა მადონამ კორონავირუსის პანდემიას ვიდეო მიუძღვნა, რომელიც ინსტაგრამზე გამოაქვეყნა. ვიდეო აბაზანაშია ჩაწერილი.
მადონა ამბობს, რომ ვირუსს არ ადარდებს “ რამდენად მდიდარი ხარ, რამდენად ცნობილი ხარ, რამდენად სასაცილო ან საზრიანი ხარ, სად ცხოვრობ, რამდენი წლის ხარ, რამდენად მშვენიერი ისტორიების მოყოლა შეგიძლია. ის ყველაზე დიდი ეკვალაიზერია. ყველაზე საშინელი და ამავე დროს ყველაზე დიდებული მასთან დაკავშირებით ის არის, რომ ის ყველას გვათანაბრებს, ბევრი თვალსაზრისით. მის წინაშე ყველანი თანასწორი ვართ. ჩვენ ყველანი ერთ ნავში ვართ. თუ ის ჩაიძირება, ყველა ერთად ჩავიძირებით.“ ამბობს მადონა.
