დუბაის ემირის ცოლი ევროპაში შვილებთან და 39 მილიონ დოლართან ერთად გაიქცა
დუბეის ემირის, მოჰამედ ალ მაკტუმას 45 წლის მეუღლე, პრინცესა ჰაია ბინტ ალ ჰუსეინი საჯაროდ 2019 წლის თებერვლის შემდეგ არ გამოჩენილა. საზოგადოება ცდილობდა გამოეცნო, სად გაქრა იორდანიის მეფის, აბდალა მეორის ღვიძლი და. როგორც გამოცემა The Sun –ის ჟურნალისტებმა გაარკვიეს ქალი 11 წლის ქალიშვილთან, ალ ჯალილიუსთან და 7 წლის ვაჟთან, ზაიდთან ერთად გერმანიაში გაიქცა და თან წაიღო 31 მილიონი ფუნტი სტერლინგი (დაახლოებით 39 მილიონი დოლარი).

როგორც ამბობენ, მან ბრიტანეთში გაქცევა არაბეთის გაერთიანებული საემიროს მმართველების მიმართ ბრიტანეთის ხელისუფლების ლოიალური დამოკიდებულების გამო ვერ გაბედა და გერმანია აირჩია. მან დაუსწრებლად შეიტანა დოკუმენტები განქორწინებაზე და გერმანიაში დიპლომატიური თავშესაფარი ითხოვა. 69 წლის შეიჰმა მოჰამედ იბნ რაშიდ ალ მაკტუმმა გერმანიის ხელისუფლებას პრინცესას გადაცემა მოთხოვა, თუმცა უარი მიიღო. ვარაუდობენ, რომ ამ სიტუაციამ გერმანიასა და არაბეთის გაერთიანებულ საემიროებს შორის დიპლომატიური კრიზისი გამოიწვია.



2018 წელს გაერთიანებული საემიროს დატოვება მოჰამედის ქალიშვილმა, პრინცესა ლაფიტა ბინ მუჰამედ ალ მაკტუმმაც სცადა. მას გაქცევა უნდოდა, რათა თავი დაეღწია “ოჯახის მიერ თავსმოხვეული შეზღუდვებისთვის“. თუმცა უფლებადამცველი ორგანიზაციის, Human Rights Watch–ის მონაცემებით საემიროების ხელისუფლებამ მისი დაკავება და დუბაიში დაბრუნება მოახერხა.

Print
ბოლო სიახლეები
Facebook
პოპულარული
რეკლამა


რეკლამა