შერონ სტოუნის და შარლიზ ტერონის სარისკო ჩაცმულობა
ბოლო დროს ერთგვარ ტენდენციად იქცა, რომ ცნობილი ვარსკვლავები ძალიან სარისკო “შიშველ“ ბადე კაბას იცვავენ საზეიმო ღონისძიებაზე. ასეთი ჩაცმულობა იშვიათად თუ ვინმეს უხდება, თუმცა შერონ სტოუნმა და შარლიზ ტერონმა მაინც გარისკეს.

60 წლის შერონ სტოუნი ჯგუფ აეროსმიტის ლიდერის, სტივენ ტაილერის საქველმოქმედო საღამოზე სწორედ ასეთი ჩაცმულობით მივიდა. მუსიკოსი უკვე რამდენიმე წელია ამ წვეულებას გრემის ცერემონიის ტრანსლაციის დროს აწყობს. მიღებულ თანხებს კი ძალადობისგან დაზარალებული ქალების დახმარების ფონდში რიცხავს.

შერონ სტოუნმა ამ არაფორმალური, ნახევრად როკერული წვეულებისთვის გრძელი ბადე–კაბა ჩაიცვა, რომლის შიგნით მხოლოდ შავი ფერის ბოდი ეცვა. სამკაულებიც მინიმალური რაოდენობით ეკეთა – მოზრდილი საყურე და რამდენიმე ბეჭედი.
როგორც ჩანს თაყვანისმცემლებს შერონ სტოუნი ამ სარისკო სამოსშიც მოეწონათ. სოციალურ ქსელების კომენტარებში მას კვლავ ქალღმერთს, საოცრებას და მსოფლიოს ყველაზე ლამაზ ქალს უწოდებდნენ.
ცოტა ხნის წინ თაყვანისმცემლები შარლიზ ტერონმაც გააოცა.

წვეულებებზე და საჯარო ღონისძიებებზე ის ყოველთვის ელეგანტურ და საგანგებოდ შერჩეულ კაბებში ჩნდება, თუმცა ერთხელ მანაც მიმართა ექსპერიმენტს და ბერლინალეს ფარგლებში გამართულ გალა ვახშამზე სახელწოდებით Cinema For Peace გრძელი შავი ბადე–კაბით მივიდა.

გამჭვირვალე კაბის შიგნით Dior –ის შავი ბოდი ეცვა, ფეხზე კი მაღალქუსლიანი ფეხსაცმელი.მართალია მას ამ სტილის ჩაცმულობა სხვებზე მეტად მოუხდა და თაყვანისმცემლების ნაწილი თვლის, რომ ის შეუდარებელია, მიუხედავად იმისა, რა აცვია, მაგრამ ზოგმა ის 80–იანი წლების აერობიკის მასწავლებელს შეადარა.



კიდევ ერთი მსახიობი, რომელმაც 2019 წლის ბერლინალეზე სარისკო სამოსი მოირგო გერმანელი მსახიობი დიანა კრიუგერია. ფილმ “აგენტის“ ჩვენებაზე ის Givenchy გამჭვირვალე კაბით მივიდა, რომელიც ვერც ფეხებს უმალავდა, ვერც მუცელს და ვერც მხრებს.
ამ სტილის ჩაცმულობა როგორც წესი ხშირად უგემოვნო ჩაცმულობად ინათლება და კრიტიკას იმსახურებს, თუმცა ამჯერად ისიც გადაურჩა მოდის კრიტიკოსთა და თაყვანისმცემელთა კრიტიკის ტალღას.

Print
ბოლო სიახლეები