გიორგი გახარიამ შსს-ს მაღალჩინოსანი ბიზნესომბუდსმენად დანიშნა
საქართველოს პრემიერ-მინისტრმა, გიორგი გახარიამ ბიზნესომბუდსმენად შინაგან საქმეთა სამინისტროს საინფორმაციო-ანალიტიკური დეპარტამენტის ყოფილი დირექტორი, მიხეილ დაუშვილი დანიშნა. 

დაუშვილი შინაგან საქმეთა სამინისტროში საინფორმაციო-ანალიტიკური დეპარტამენტის დირექტორად აგვისტოში დაინიშნა, მანამდე კი ამავე დეპარტამენტში დირექტორის მოადგილის თანამდებობას იკავებდა.

ბიზნესომბუდსმენის თანამდებობაზე ბოლო ორი წლის განმავლობაში ირაკლი ლექვინაძე მუშაობდა. მან გადადგომის შესახებ განცხადება რამდენიმე დღის წინ გააკეთა.
Print
ბოლო სიახლეები