მწვანე ჩაი იმაზე სასარგებლო აღმოჩნდა, ვიდრე მეცნიერებს აქამდე წარმოედგინათ
გამოჩნდა ახალი სამეცნიერო მონაცემები იმის შესასხებ, რომ მწვანე ჩაი გასუქებას და მასთან დაკავშირებულ დაავადებებს უშლის ხელს.
ოჰაიოს შტატის უნივერსიტეტის ბიოქიმიკოსთა ჯგუფმა ექსპერიმენტების სერია ჩაატარა, რომლის დროსაც გაირკვა, რომ თაგვებს, რომლებსაც მწვანე ჩაის ორპროცენტიან ექსტრაქტს აძლევდნენ, ნაწლავის ბევრად უფრო ჯანსაღი ბაქტერიული ფონი ქონდათ, ვიდრე მეორე საკონტროლო ჯგუფს.

“ჩვენი კვლევები აჩვენებს, რომ მწვანე ჩაი ხელს უწყობს ნაწლავში სასარგებლო მიკროფლორის გამრავლებას, ეს კი მთელ რიგ სასარგებლო ცვლილებებს იწვევს, რომლებიც არსებითად ამცირებს გასუქების რისკს
“ – ამბობს კვლევის წამყვანი ავტორი, პროფესორი რიჩარდ ბრუნო.

მწვანე ჩაი ტრადიციულად აზიის ბევრ ქვეყანაშია პოპულარული. ბოლო წლებში კი პოპულარული გახდა მთელ მსოფლიოში, როგორც ჯასაღი დიეტის მნიშვნელოვანი ელემენტი. ის შეიცავს ანტიოქსიდანტებს (კატეხინებს), რომლებიც ბევრი მეცნიერის აზრით იმუნიტეტს ამაღლებს და სისხლძარღვების დაავადების რისკს ამცირებს.

თაგვები, რომლებსაც ცხიმიანი საკვებით კვებავდნენ, თუმცა მწვანე ჩაის ექსტრაქტს აძლევდნენ, წონაში 20%–ით უფრო ნალებად იმატებდნენ, გარდა ამისა, ინსულინის მიმართ მაღალი მგრძნობელობა აჩვენეს, ვიდრე იმ თაგვებმა, რომელთა რაციონში მწვანე ჩაი არ ყოფილა.

თაგვებში რომლებიც მწვანე ჩაის სვამდნენ ასევე შეინიშნებოდა ნაწლავების და ცხიმოვანი ქსოვილების ანთების დონის შემცირება. გარდა ამისა, მწვანე ჩაი ტვინში ენდოტოქსინების მოხვედრას უშლიდა ხელს, რომელსაც ნაწლავში მიკრობები წარმოქმნის.

მწვანე ჩაის ექსტრაქტის რაოდენობა, რასაც ცხოველებს ცდების დროს აძლევდნენ ადამიანის მიერ დღეში 10 ჭიქა მწვანე ჩაის დალევის ექვივალენტია.

“შესაძლოა მოგეჩვენოთ, რომ ეს ძალიან ბევრია, მაგრამ ზოგიერთ ქვეყანაში ასეთი მოცულობა სულაც არ მოეჩვენებათ გასაოცრად“ – ამბობს რიჩარდ ბრუნო .
Print
ბოლო სიახლეები