კახი კალაძემ ჟურნალისტთან კამათისას ლაივი ჩართო {ვიდეო}
თბილისის მერმა კახი კალაძემ "რუსთავი 2-ის"  ჟურნალისტთან ინტერვიუს დროს ფეისბუქის გვერდზე ლაივი ჩართო.  ჟურნალისტის შეკითხვები ვერეს ხეობაში მშენებლობებზე ნებართვების გაცემას ეხებოდა. კონკრეტულად კი სვანიძის ქუჩაზე მშენებარე სასტუმროს, რომელიც მდინარეს გადმოჰყურებს.

"ამ კონკრეტულ ადგილზე მშენებლობა არანაირ პრობლემას არ წარმოადგენს ჩვენ გვაქვს გარემოს დაცვის სამინისტროდან წერილი"-განაცხადა კალაძემ.

თბილისის მერის გაღიზიანება ჟურნალისტის შეკითხვას იმ შეკითხვას მოჰყვა, რომელიც მშენებლობებზე გრძელვადიანი პასუხისმგებლობის აღებას ეხებოდა.

შეგახსენებთ, რომ დღეს  13 ივნისის სტიქიიდან 4 წელი გავიდა, სტიქია და ტრაგედია, რომელსაც 24 ადამიანი ემსხვერპლა, წყნეთი-ბეთანიის გზაზე ჩამოწოლილმა მეწყერმა გამოიწვია.   სტიქიის ეპიცენტრი სწორედ მდინარე ვერეს მიმდებარე ტერიტორია და სვანიძის ქუჩა იყო.
კალაძის თქმით,  ვერეს ხეობაში არის ადგილები, რომლებიც პრობლემას არ წარმოადგენს, თუმცა არის ისეთი მონაკვეთები, რომელიც მშენებლობისთვის არის საშიში და იქ მშენებლობის ნებართვა არ გაიცემა. 





Print
ბოლო სიახლეები