“რა გინდათ კანადაში, იქ ხომ მოსაწყენია“– მადონა ჰარის და მეგანს საკუთარ ბინას სთავაზობს

პრინცი ჰარის და მეგან მარკლის გადაწყვეტილებას სამეფო უფლებამოვალეობებზე უარის თქმის შესახებ ბევრმა ცნობილმა ვარსკვლავმა დაუჭირა მხარი და გაგებით მოეკიდა წყვილის გადაწყვეტილებას რიგითი ადამიანების ცხოვრებით იცხოვრონ. მათ შორის არის 61 წლის მადონა, რომელმაც წყვილს საკუთარი ნიუ–იორკული ბინა შესთავაზა.

მადონამ ინსტაგრამზე გამოაქვეყნა ვიდეო, რომელშიც მომღერალი საგრიმიოროში ზის და გამოსვლისთვის ემზადება, პარალელურად კი მისი აპარტამენტის უპირატესობაზე საუბრობს:

“ რა გინდათ კანადაში, იქ ხომ მოსაწყენია. ამ ბინაში ორი ოთახია, არაჩვეულებრივი აივნიდან მანჰეტენის საოცარი ხედი იშლება. ბუკინგემის სასახლე ახლოსაც ვერ მოვა.“– მიმართა წყვილს მადონამ.

ჰარი და მეგანი ამჟამად კანადაში ცხოვრობენ, სადაც ვანკუვერის კუნძულზე სახლი იქირავეს. წყვილი პერიოდულად ამერიკაშიც აპირებს ცხოვრებას, თუმცა არა ნიუ იორკში, არამედ კალიფორნიაში.



Print
ბოლო სიახლეები