თბილისში ბუდაპეშტის ქუჩა 2 თვით გადაიკეტა
საპატრულო პოლიციის დეპარტამენტის ცნობით  საავტომობილო გზის სარეაბილიტაციო სამუშაოებთან დაკავშირებით, 4 მარტიდან, 2 თვის განმავლობაში, ავტოტრანსპორტის მოძრაობა სრულად აიკრძალება თბილისში, ბუდაპეშტის ქუჩაზე, კერძოდ, ს.კანდელაკის და ბუდაპეშტის ქუჩების კვეთიდან ივ. ბერიტაშვილის და ბუდაპეშტის ქუჩების კვეთამდე.
ლისის ტბიდან ივ. ბერიტაშვილის ქუჩაზე ტრანსპორტით გადაადგილება მხოლოდ ადგილობრივი მოსახლეობისათვის იქნება ნებადართული. ლისის ტბის მიმართულებით კი ავტოტრანსპორტი იმოძრავებს ნუცუბიძის ქუჩაზე, ვ. ჩიქოვანის ქუჩის გავლით, საიდანაც გზას ივ. ბერიტაშვილის ქუჩაზე გააგრძელებს.
Print
ბოლო სიახლეები