ბენ აფლეკი შეყვარებულს მეორედ დაშორდა
მსახიობი ბენ აფლეკი, რომელიც ამჟამად 46 წლის გახლავთ უკვე მეორედ დაშორდა 38 წლის ლინდსი შუკუსს. ბენის შეყვარებული კომედიური ტელეშოუს პროდიუსერია, რომელთან ურთიერთობა ბენმა თებერვალში აღადგინა. მანამდე ისინი ერთმანეთს გასულ წელს დაშორდნენ. მიზეზი დისტანციური რომანი გახდა, ანუ ბენ აფლეკი ძირითად დროს ლოს ანჟელესში ატარებს, სადაც მისი ყოფილი ცოლი, ჯენიფერ გარნერი და მათი საერთო შვილები ცხოვრობენ და სადაც ის ძირითადად მუშაობს . შუკუსი კი ნიუ იორკში ცხოვრობს და მუშაობს. იქვე ცხოვრობს მისი ყოფილი ქმარი და ბავშვი. პირველი დაშორების შემდეგ წყვილი ისევ შერიგდა, თუმცა მეორედაც იგივე მოტივის გამო დაშორდნენ ერთმანეთს.

“ფიზიკურმა დისტანციამ დაშორებაში დიდი როლი ითამაშა. მათ ერთმანეთი უყვართ და პატივს სცემენ, თუმცა მიხვდნენ, რომ არაფერი გამოუვათ. მეორე შანსმა არ იმუშავა.“ –უყვება მედიას წყვილთან დაახლოებული წყარო.


შეყვარებულთან პირველი დაშორების შემდეგ ბენი დეპრესიაში ჩავარდა და გალოთდა. შემდეგ კი სარეაბილიტაციო ცენტრში აღმოჩნდა.

ამჯერად მსახიობი ალკოჰოლს არ ეტანება, ფსიქოლოგთან დადის და საკუთარ თავზე მუშაობს. მსახიობის მეგობრები ამბობენ, რომ ის თანდათან მწყობრში დგება.
Print
ბოლო სიახლეები