ადამიანს ფინანსური მდგომარეობა სახეზე აწერია
კანადელ მეცნიერთა ჯგუფმა დაადგინა აშკარა კავშირი ადამიანის სახის გამომეტყველებასა და მის ფინანსურ მდგომარეობას შორის. გინდათ იცოდეთ რა თანხა გაწერიათ პირდაპირი გაგებით შუბლზე? მიიღეთ ნეიტრალური, უემოციო სახე და მიდით სარკესთან.


ფსიქოლოგებმა ტორონტოს უნივერსიტეტიდან ჩაატარეს ექსპერიმენტი, რომლის დროსაც მოულოდნელი დასკვნა გააკეთეს: თქვენმა ნეიტრალურმა, ანუ ყოველგვარ ღიად გამოხატულ ემოციას მოკლებულმა სახემ შეიძლება ბევრი ინფორმაცია გასცეს თქვენი ეკონომიკური მდგომარეობის შესახებ. ყურადღებიანმა დამკვირვებელმა შეიძლება ისიც განსაზღვროს, რომელ სოციალურ კლასს მიეკუთვნებით. როგორც გაირკვა, წარმატებული თუ წარუმეტებელი ცხოვრებისეული გამოცდილება სახი ს ნაკვთებს ცვლის და მათ სრულიად კონკრეტულ ემოციურ კვალს ამჩნევს. ამასთან, თუ ადამიანი იმ კონკრეტულ მომენტში რაღაცით გაკვირვებულია, რამე უხარია ან პირიქით, ნაწყენია, მის სახეზე “ფინანსური მონაცემების“ ამოკითხვა უფრო რთულია. სწორი ინფორმაციის მისაღებად სახის მშვიდი გამომეტყველებაა საჭირო.

კვლევის ერთ–ერთი ავტორის, ფსიქოლოგ თორა ბიერნსდოტირის განცხადებით აქედან შეისძლება საინტერესო დასკვნა გამოვიტანოთ: “მდიდარი“ და “ღარიბი“ სახის ადამიანებს ნაცნობობის პირველივე წუთიდან ურთიერთობის განვითარების განსხვავებული შანსები აქვთ. განსაკუთრებით ძლიერად ამან გავლენა შეიძლება მოახდინოს სამსახურში მიღებისას გასაუბრების შედეგებზე. “ასეთი პირველი შთაბეჭდილება ადვილად იქცევა ხოლმე საკუთარი თავისთვის წარუმატებლობის წინასწარმეტყველების ახდენად. თქვენს მიმართ მოსაუბრის დამოკიდებულება ქვეცნობიერად ნაცნობობის პირველივე წუთიდან ჩნდება და თქვენს შანსებზე ახდენს გავლენას “– ამბობს ფსიქოლოგი

რა გზით მივიდნენ მეცნიერები ასეთ დასკვნამდე?

მათ რამდენიმე ათეულ მოხალისეს ფოტოს გადაღება შესთავაზეს მაქსიმალურად ნეიტრალური, ემოციებისგან დაცლილი სახით. ამის შემდეგ მონაწილეთა ფოტოები ჯგუფებად დაყვეს მათი შემოსავლების მიხედვით. შემდეგ კი ექსპერიმენტში მონაწილეთა კიდევ ერთ ჯგუფს შესთავაზეს ფოტოების დათვალიერება და გამოცნობა, რამდენად ფინანსურად უზრუნველყოფილი იყო ფოტოზე ნაჩვენები ადამიანი.



ვარაუდები ძირითადად გამართლდა. “დროთა განმავლობაში თქვენი სახე თქვენი ცხოვრებისეული გამოცდილების ანარეკლი ხდება – ამბობს პროფესორი ნიკოლას როული. მაგალითად მარტივად შეგვიძლია ამოვიცნოთ ა
დამიანი, რომელიც ხშირად განიცდის ბედნიერებას და კმაყოფილებას, საზოგადოებაში მაღალი და მყარი პოზიცია უკავია. ეს კი მის ფინანსურ სტაბილურობას ნიშნავს. სახის სწორი ნაკვთები და ნათელი მზერა ზოგად კეთილდღეობაზე მეტყველებს, ტუჩების დაშვებული კუთხეები და თვალებში უნებლიე დარდი კი წარუმატებლობაზე მიგვანიშნებს.

ჩვენ გვგონია ჩვენი ნეიტრალური, უემოციო სახე არაფერს მეტყველებს, არადა სწორედ ის გასთქვამს ჩვენი ფინანსური მდგომარეობის შესახებ ინფორმაციას.
საინტერესო დეტალი: “ფულადი დიაგნოზის“ სიზუსტე არანაირად იყო დამოკიდებული ექსპერიმენტში მონაწილეთა სქესზე და რასაზე. არც იმაზე, რა დრო ქონდათ კვლევის მონაწილეებს ფოტოების დასათვალიერებლად და შესაფასებლად.

Print
ბოლო სიახლეები
Facebook
პოპულარული
რეკლამა


რეკლამა