ათი ყველაზე უსაფრთხო ქვეყანა ქალებისთვის, ვისაც მარტოს უყვარს მოგზაურობა


ადამიანი, რომელიც საკუთარ თავთან ჰარმონიაში თავს ყველგან კარგად გრძნობს. მათ შორის მაშინ, როცა მარტო მოგზაურობს. თანმხლების გარეშე მოგზაურობა შესაძლოა დაუვიწყარი აღმოჩნდეს, რადგან ადამიანი მთლიანად საკუთარ თავზე და ახალ შთაბეჭდილებებზეა ორიენტირებული. თუმცა არსებობს გარკვეული საფრთხეებიც, განსაკუთრებით თუ მარტოხელა მოგზაური ქალია. რომელია უსაფრთხო მარშრუტები და ადგილები, საიდანაც საღსალამათიც დაბრუნდებით და დაუვიწყარ შთაბეჭდილებებსაც მიიღებთ.

  1. კანადა
საიდუმლო არ არის, რომ კანადელები მსოფლიოში ყველაზე ზრდილობიან და კეთილ ხალხად ითვლება, განსაკუთრებით საკუთარ მეზობლებთან შედარებით. ამიტომაც ლოგიკურია, რომ ამ ქვეყნის ორ უმსხვილეს ქალაქს– ვანკუვერს და მონრეალს   მსოფლიოში ყველაზე უსაფრთხო ქალაქის სტატუსი აქვს.

ვანკუვერი ბრიტანეთის კოლუმბიის მთავარი ქალაქია, ამავე დროს ხუთ ქალაქს შორის შედის, სადაც ცხოვრების დონე ყველაზე მაღალია. ის ერთის მხრივ მაღალი თოვლიანი მთებით არის შემოსაზღვრული, მეორე მხარეს კი ზღვაზე გასასვლელი აქვს. ეს ქალაქი სამოთხეა მათთვის, ვისაც იმ ადგილების დათვალიერება უნდა,სადაც არაერთი ფილმი გადაიღეს. ასევე მათთვის, ვისაც ჩრდილოეთ ამერიკის ინდოელების კულტურა აინტერესებს.

სრულიად განსხვავებულ შთაბეჭდილებებს სთავაზობს მოგზაურებს მონრეალი – კანადის სიდიდით მეორე ქალაქი. მის დიდ ნაწილს ფრანგულ–კოლონიალური ძველი მონრეალი შეადგენს, რომელიც შუა საუკუნეების არქიტექტურით გაგაოცებთ. ამ ქალაქში აუცილებლად უნდა ნახოთ ძველი რატუშა, ნოტრ დამ დე ბონსეკურის ტაძარი და მერედიტის სახლი პენის პროსპექტზე.





2. იტალია

საოცარი იტალია და განსაკუთრებით მისი დედაქალაქი არა  მხოლოდ ღირშესანიშნაობებით არის სავსე, არამედ მოგზაური ქალბატონებისთვის ერთ–ერთ უსაფრთხო მიმართულებად ითვლება. იტალიელები მხიარული და გულღია ხალხია. ასე რომ, საღამოობით მარტოობით არ მოიწყენთ. იტალიაში მეგობრების შეძენის შანსი ისევე შეგხვდებათ ყოველ ნაბიჯზე, როგორც არქიტექტურული საგანძური.







3. მალტა
მალტა პოპულარული მიმართულებაა მათთვის, ვისაც ინგლისურის შესწავლა უნდა, თუმცა ბრიტანეთში ენის შემსწავლელ კურსებზე ხელი არ მიუწვდება. პირველ რიგში, ამ ქვეყანაში ოფიციალური ენა ინგლისურია. გარდა ამისა, ხმელთაშუა ზღვის კუნძულ–სახელმწიფო დახვეწილი არქიტექტურით გამოირჩევა, რომელიც მსოფლიო კულტურული მემკვიდრეობის ნუსხაშია შეტანილი. აქვს შესანიშნავი სამზარეულო, ადგილობრივი მოსახლეობა კი ძალიან კეთილგაანწყობილია. თუ სერიალ სამეფო კარის თამაშების მაყურებელიც ხართ, მალტაზე ბევრ პეიზაჟს ადვილად ამოიცნობთ.


საპორტო ქალაქი ვალეტა, რომელიც მალტის დედაქალაქია, მთლიანად არის შესული იუნესკოს მსოფლიო მემკვიდრეობის სიაში. აქ უამრავი სასახლე, ტაძარი და შუა საუკუნეებიდან შემორჩენილი შენობაა. აქვე შეგიძლიათ სანაპიროზე გაისეირნოთ,  რომელიც ოდისევსის ლეგენდაშია ნახსენები და იმავე ქუჩებზე გაიაროთ, სადაც ნაპოლეონს გაუვლია.






4. ინდონეზია


ჩვენს სიაში კიდევ ერთი კუნძული სახელმწიფოა, რომელიც რამდენიმე ათას ვულკანურ კუნძულზეა განლაგებული. სურვილის შემთხვევაში აქ ნამდვილი დრაკონებიც შეგიძლიათ ნახოთ და ასობით დიალექტიც მოისმინოთ. ინდონეზია სტუმრებს მრავალფეროვანი კულტურული პროგრამით და სწრაფმავალი ავტობუსებით აოცებს. კუნძულ ბალიზე კი ისეთი შთაბეჭდილება გექმნება, რომ დღესასწაული არასდეს მთავრდება. ღირშესანიშნაობებიდან აქ აუცილებლად უნდა ნახოთ მაიმუნების ტყე და პურა ბრატანის სამონასტრო კომპლექსი, რომელიც 1633 წელს აშენდა.







5. ჰოლანდია

დავუბრუნდეთ უსაფრთხო ევროპულ მარშრუტებს და გავიხსენოთ თავისუფლებით გამორჩეული ქვეყანა – ჰოლანდია. ამ ქვეყანაზე მოარული არაერთი ლეგენდის მიუხედავად აქ დანაშაულის დონე ძალიან დაბალია. მჭიდროდ დასახლებულ ამსტერდამში კი მარტოობის არასოდეს შეგეშინდებათ, მითუმეტეს, რომ ტურისტული სეზონი აქ პრაქტიკულად მთელი წელი გრძელდება. კოფიშოფები, ლამაზი ნავებით სავსე არხები და ტიტების მინდვრები არასოდეს დაგავიწყდებათ. ამსტერდამში არაერთი გასართობის გარდა არაერთი საინტერესო მუზეუმია. ქალაქის მთავარ მოედანზე მადამ ტიუსოს მუზეუმი აუცილებლად უნდა ნახოთ, არ უნდა გამოტოვოთ ანა ფრანკის მუზეუმი, რემბრანდტის მუზეუმი და რაც მთავარია, ვან გოგის მუზეუმი. ქალებს ამსტერდამში შოფინგიც უყვართ. ადგილობრივი დიზაინერების ნახელავი გულგრილს არ დაგტოვებთ. და არც ფასებია მაინცდამაინც მაღალი. თუ უბრალოდ გასეირნება მოგინდათ შეგიძლიათ ველოსიპედი დაიქირავოთ. ისიც ხომ ამსტერდამის ერთერთი სიმბოლოა. 








6. ნორვეგია

“ყველაზე ბედნიერი ქვეყანა“ – ასე უწოდებენ ხშირად ნორვეგიას. ეს ქვეყანა მართლაც ცხოვრების დონით მსოფლიოში ერთ–ერთი პირველია. ნორვეგიელები კი ძირითადად მშვიდი და ბედნიერი ხალხია.
დედაქალაქი ოსლოში მეგაპოლისის დინამიკა და სოფლური იდილია ისეა შერწყმული, რომ ორივეს მოყვარული იპოვნის მისთვის სასურველ გასართობს. შეგიძლიათ დაათვალიეროთ მუზეუმები, გალერეები და სავაჭრო მოლები. ქალაქის მიღმა კი ჩრდილოეთის ციალით შეგიძლიათ დატკბეთ. უნდა ითქვას, რომ ცხოვრების მაღალი დონე საცხოვრებლისა და პროდუქტების მაღალ ფასსაც ნიშნავს და ამ ქვეყანაში მოგზაურობა იაფი არ დაგიჯდებათ, თუმცა თავგადასავლების მოყვარულებს შეუძლიათ მთელ ქვეყანაში მიმობნეულ ბანაკ–სახლებში დაბინავდნენ, რაც სრულიად უსაფრთხოა.








7. იაპონია

პრაქტიკულად ყველა, ვინც იაპონიაში მოხვდება ამბობს, რომ იაპონელები უკვე 22–ე საუკუნეში ცხოვრობენ. ტექნიკური პროგრესი აქ ყოველ ნაბიჯზე იგრძნობა – ავტომატბიდან დაწყებული, სადაც ყველაფრის ყიდვა შეგიძლიათ (ვახშმის, ტანსაცმლის, ელექტროსაქონლის) და სასტუმროს ტუალეტებით დამთავრებული, რომლებიც გელაპარაკებიან. ყველაზე ფუტურისტულ რაიონად კუნძული ოდაიბა ითვლება, სადამდეც ტოკიოდან ადვილად მიხვალთ.

ამავე დროს იაპონია ტრადიციების ქვეყნად რჩება, როცა საქმე კულტურას და ადამიანებს შორის ურთიერთობას ეხება. კლუბური ცხოვრების მოყვარული მოგზაურებისთვის საიტერესოა ტოკიოს რაიონი – სიბუია, რომელსაც არასოდეს სძინავს. დედაქალაქის გარდა აუცილებლად უნდა ნახოთ ფუძიიამას მთა, ოსაკა და შუასაუკუნეების იაპონიის დედაქალაქი კამაკურუ.









8. სინგაპური


კეთილგანწყობილი, საოცრად სუფთა და სრულიად უსაფრთხო სინგაპური აუცილებლად უნდა მოინახულოთ. შესაძლოა უამრავი რამის ნახვა მოგინდეთ, მათ შორის მაღაზიების შემოვლა, მაგრამ აუცილებლად უნდა გამონახოთ დრო ინდუისტური, ბუდისტური და დაოისტური ტაძრების მოსანახულებლად, რომლებიც ამ ქვეყანაში მრავლად არის.

სინგაპურის ბოტანიკური ბაღი და“პატარა ინდოეთის“ რაიონი  კი უბრალოდ სუნთქვას შეგიკრავთ. თუმცა სანამ სინგაპურში გაემგზავრებით, კარგად გაეცანით ამ ქვეყნის კანონებს და წესჩვეულებებს. მათი დაცვის შემთხვევაში უსაფრთხოება გარანტირებული გაქვთ.









9. ტაივანი

ეს არის არა მხოლოდ უსაფრთხო, არამედ საოცარად შთამბეჭდავი კუნძული–სახელმწიფო წყნარ ოკეანეში, რომელიც ჩინეთს ეკუთვნის, თუმცა ამავე დროს ჩინეთის დიდი ნაწილისგან ძლიერ განსხვავდება. ოფიციალური რელიგია ბუდიზმია, მაგრამ აქ თავისი ადგილობრივი რელიგიაც აქვთ ღმერთების მთელი პანთეონით. ამიტომაც  ტაძრების კომპლექსების დათვალიერებით კარგად გაერთობით. აუცილებლად უნდა ნახოთ პრეზიდენტის სასახლე, მაოკონგის მთაზე მიმავალი საბაგირო და შილინის ბაზარი, რომელიც საღამოს რვაზე იხსნება და გამთენიისას ქრება. 









10. ირლანდია

და ბოლოს, ქვეყანა ინგლისისა და უელსის გვერდით, რომელიც ცნობილია თავისი ცივი სანაპიროებით და ძველი ციხესიმაგრეებით. დედაქალაქი დუბლინი საკმაოდ განვითარებული, დინამიური და თანამედროვე ქალაქია, თუმცა ირლანდია,ში მოგზაურობა მაინც ბუნების მოყვარულებს უფრო იზიდავს. საძოვრები, სანაპირო ზოლები და კოშკურები, მთები – ეს ყველაფერი ისეთ შთაბეჭდილებას ტოვებს, თითქოს შუა საუკუნეების ფერწერულ ტილოს უყურებთ. საღამოობით კი შეგიძლიათ მყუდრო, კლასიკურ პაბში გათბეთ, ვისკი დააგემოვნოთ და ადგილობრივებთან ერთად რივერდანსი იცეკვოთ.






და ბოლოს: რა თქმა უნდა, მეგობრებთან და ოჯახის წევრებთან ერთად მოგზაურობა რა თქმა უნდა კარგია, თუმცა მოგზაურობა თანამგზავრის გარეშე შეიძლება სრულიად დაუვიწყარი და ბევრად უფრო საინტერესო აღმოჩნდეს, თუ რა თქმა უნდა მარშრუტს სწორად შეარჩევთ.



Print
ბოლო სიახლეები
პოპულარული
Facebook
რეკლამა


რეკლამა