სამეფო კარის თამაშების მსახიობების რეაქცია ფინალის სცენარის წაკითხვისას. ინტერნეტში ვიდეო გამოჩნდა
როგორც გაირკვა, საკულტო სერიალის ფინალი შოკის მომგვრელი არა მხოლოდ მაყურებლისთვის, არამედ მსახიობებისთვისაც აღმოჩნდა. ინტერნეტში გამოჩნდა ემილია კლარკის და კიტ ჰარინგტონის რეაქციის ამსახველი ვიდეოკადრები, როცა მათ სამეფო კარის თამაშების ფინალის სცენარი წაიკითხეს. კადრების მიხედვით სამსახიობო შემადგენლობა ფინალის სცენარმა აშკარად გააოგნა.

სერიალის ტვიტერის გვერდზე გამოჩნდა ვიდეო, რომელშიც ჯონ სნოუს როლის შემსრულებელი კიტ ჰარინგტონი იგებს, რომ მას საკუთარი დეიდის, ასევე შეყვარებულის, დეიენერის ტარგარიანის მოკვლა მოუწევს.
კიტმა თავში ხელები წაივლო და ცრემლები ძლივს შეიკავა. ხან პირზე ხელს იფარებდა და ემილიას უყურებდა, რომელიც ამ დროს სკამზე ჩაცურდა.



ვარისის როლის შემსრულებელმა, კონლეტ ჰილზმა იმის წაკითხვის შემდეგ, რომ მის გმირს მეხუთე, ბოლოს წინა ეპიზოდში მოკვლას უპირებდნენ, საერთოდაც შეწყვიტა სცენარის კითხვა. მოგვიანებით აღიარა, რომ სიუჟეტის ასეთი შემობრუნება გულთან მეტისმეტად ახლოს მიიტანა.

სამაგიეროდ არია სტარკის მიერ ღამის მეფის და მისი არმიის განადგურების ამბავი მსახიობებმა სიხარულით მიიღეს. ამავე ვიდეოში ჩანს, რომ კლარკი განაწყენდა, როცა გაიგო რომ ბრძოლაში დეიენერისის დაცვისას მისი ერთგული ჯორაჰ მორმონტი იღუპება(მსახიობი იენ გლენი).


Print
ბოლო სიახლეები