ეკა ბესელია კახა კალაძეს ურჩევს, მშობლის როლიდან გამოვიდეს
საპარლამენტო უმრავლესობის წევრი, ეკა ბესელია "ქართული ოცნების" გენერალურ მდივანს, კახა კალაძეს ურჩევს, მშობლის როლიდან გამოვიდეს. ამის შესახებ ბესელიამ ჟურნალისტებს განუცხადა, როდესაც კალაძის განცხადების შეფასება სთხოვეს.

"მე არ ვარ სტუმრად მისული. უკაცრავად, მაგრამ მე დავხვდი იმ ხალხს, ვინც მოვიდა. ამიტომ სტუმარს შეიძლება უთხრა, თუ ვერ ხვდება, მიბრძანდი... თუ მასპინძელი გადაწყვეტს, რომ სხვაგან წავიდეს, გადაწყვიტოს თვითონ. ამიტომ არ ველაპარაკოთ ასეთ ტონალობაში ერთმანეთს", ამბობს ბესელია.

"გედის და ლევანს დღეს არ გაუღვიძია, როგორც ზოგიერთებს, რომლებსაც დღეს გაახსენდათ, რომ არსებობს სამართლიანობა და ადამიანის უფლებები. ეს არის ორგანული და ემოციური მომენტი ჩვენთვის",აღნიშნავს ბესელია.

რაც შეეხება საპარლამენტო უმრავლესობიდან გარიცხვის თემას, ბესელიას თქმით, ეს მეორეხარისხოვანი საკითხია.

"არ ვართ ის ადამიანები, ვისაც თითი უინდა დაუქნიო. მინდა, ყველას მივმართო, მეგობრებო - გამოვიდეთ მშობლის როლიდან და ზრდასრულის ენით ვისაუბროთ - მე მგონია, რომ ესეც (იგულისხმება კალაძის განცხადება) მშობლის როლია და არ გვინდა ამ როლიდან ლაპარაკი ერთმანეთთან. გავიარეთ ის გზა, რომელიც გვაძლევს უფლებას, ცოტა უფრო მაღალ რეგისტრში ველაპარაკოთ მეორეს, რომელმაც გუშინ გაიღვა და გაახსენდა, რომ ამ ქვეყანაში სამართლიანობა უნდა დაიცვას", განაცხადა ეკა ბესელიამ.
Print
მსგავსი სიახლე
15:37 / 08.09.2019
"იმაზე მალე შემოვა ხალხი პარლამენტში, ვიდრე ყველაზე კოშმარულ სიზმარში წარმოგიდგენიათ"-ეს განცხადება ნაციონალური მოძრაობის ერთ-ერთმა ლიდერმა პარლამენტის რიგგარეშე პლენარულ სხდომაზე გააკეთა.


"ბევრი დრო არ დარჩა როცა, აქ ამ შენობაში ამ დარბაზში,  ამ სანოტარო ბიუროს ნაცვლად განთავსდება პარლამენტი, საქართველოს ის პარლამენტი, რომლეიც ჩვენი ეროვნული ორგანო იქნება და არა რომელიმე ოლიგარქის ხუშტურებს დამორჩილებული ღირსებააყრილი კანტორა, ცოტა დრო რჩება სანამ ქართველი ხალხი შემოვა აქ ამ დარბაზში ამ შენობაში, თავის დარბაზში, შემოვა, როგორც ამ ქვეყნის ბატონ-პატრონი, დიახაც გაგეღიმათ მაგრამ, ეს არის სიმწრის ღიმილი, იმაზე მალე შემოვა ქართველი ხალხის ძალაუფლება და ნება საქართველოს პარლამენტში, ვიდრე თითოეულ თქვენგანს ყველაზე კოშმარულ სიზმარშიც კი წარმოგიდგენიათ"-განაცხადა მელიამ.

ნიკა მელია პარლამენტში ცოტა ხნის წინ მივიდა. მელიამ დარბაზში შესვლამდე  ჟურნალისტებთან განაცხადა, ეს არის პირველი სხდომა მას შემდეგ, რაც "სამაჯურით შემამკეს".
ბოლო სიახლეები
პოპულარული
Facebook