გენდერული კვოტირების შემცირება – ქალთა მოძრაობა საგანგებო განცხადებას ავრცელებს

მოვუწოდებთ პარლამენტს, პლენარულ სხდომაზე მხარი არ დაუჭიროს ინიცირებულ ცვლილებას, რაც შეასუსტებს ადგილობრივ დონეზე ქალთა წარმომადგენლობას, შეაფერხებს არსებითი თანასწორობის მიღწევას და საერთაშორისო ვალდებულებების შესრულებას – საგანგებო განცხადებას ამის შესახებ ქალთა მოძრაობა ავრცელებს.

გთავაზობთ საგანგებო განცხადებას სრულად: 

”2021 წლის 21 ივნისს საქართველოს პარლამენტის იურიდიულმა კომიტეტმა საქართველოს ორგანული კანონის ,,საქართველოს საარჩევნო კოდექსის“ ცვლილებების შეტანის შესახებ კანონპროექტის მეორე მოსმენით განხილვისას არსებითად შეცვალა ადგილობრივი თვითმმართველობის არჩევნებისთვის პარტიული (პროპორციული) სიების შედგენის წესი. ცვლილების თანახმად: პოლიტიკური პარტია ვალდებული იქნება 2028 წლამდე ჩასატარებელი ადგილობრივი თვითმმართველობის ყველა არჩევნებისთვის ისე შეადგინოს პარტიული სია, რომ სამი კანდიდატიდან ერთი მაინც იყოს განსხვავებული სქესის წარმომადგენელი.

ეს ინიციატივა არსებითად აუარესებს საარჩევნო კოდექსის არსებულ ნორმას, რომელიც პოლიტიკურ პარტიას ავალდებულებდა, 2028 წლამდე ჩასატარებელ ადგილობრივი თვითმმართველობის ორგანოთა საერთო არჩევნებისთვის წარდგენილ სიაში ყოველი მეორე განსხვავებული სქესის კანდიდატი ჰყოლოდა.

ქალთა პოლიტიკური მონაწილეობის სამუშაო ჯგუფი საარჩევნო კოდექსში ინიცირებულ ცვლილებებზე მუშაობისას თანამშრომლობდა კანონპროექტის ინიციატორებთან და არსებობდა შეთანხმება, რომ მიმდინარე საარჩევნო რეფორმა გენდერულ კვოტას საერთოდ არ შეეხებოდა. განსაკუთრებით საგანგაშოა ის ფაქტი, რომ ცვლილებები მოულოდნელად აისახა კანონპროექტში პირდაპირ მეორე მოსმენით განხილვის ეტაპზე, მაშინ როცა, პირველი მოსმენისას, პრინციპების განხილვის დროს, ეს საკითხი საერთოდ არ დასმულა და შესაბამისად არც განხილულა საკომიტეტო და პლენარულ სხდომებზე. საგანგაშოა, რომ ეს სიახლე კანონპროექტში დაინტერესებული საზოგადოების ყოველგვარი მონაწილეობის და დისკუსიის გარეშე, ფაქტობრივად, კონსპირაციულად დილის 5 საათზე გაჩნდა. ქალთა პოლიტიკური მონაწილეობის სამუშაო ჯგუფმა ამ ცვლილების ინიცირების შესახებ მხოლოდ საკომიტეტი განხილვის მეორე დღეს შეიტყო.

2017 წელს კონსტიტუციაში შეტანილი ცვლილებებით, საქართველომ ქალთა და კაცთა შორის უთანასწორობის აღმოფხვრისა და არსებითი თანასწორობის უზრუნველყოფის, მათ შორის, განსაკუთრებული ზომების გატარების, ვალდებულება აიღო. როგორც გაეროს (CEDAW), ისე ევროკავშირის ასოცირების დღის წესრიგის ფარგლებში აღნიშნულია, რომ საქართველომ ქმედითი ნაბიჯები უნდა გადადგას პოლიტიკურ ცხოვრებაში გენდერული თანასწორობის განსამტკიცებლად.

ბოლო საპარლამენტო არჩევნების შედეგად, ქალებმა მანდატების მხოლოდ 20 % მოიპოვეს, ხოლო საკრებულოებში არჩეული დეპუტატების 13.5 %-ია ქალი. ამ მაჩვენებლებით, საქართველო, ქალთა პოლიტიკური წარმომადგენლობის მაჩვენებლით, განვითარებულ ქვეყნებს მნიშვნელოვნად ჩამორჩება. პროპორციულ საარჩევნო სიებში გენდერული კვოტირება ეფექტიან დროებით საკანონმდებლო ზომას წარმოადგენს პოლიტიკაში ქალთა მონაწილეობის გასაზრდელად. ამასთან, საზოგადოებრივი აზრის გამოკითხვების მიხედვით, საქართველოს მოსახლეობის უმრავლესობა მიიჩნევს, რომ ქალების რაოდენობა პარლამენტსა და თვითმმართველობის ორგანოებში ძალიან დაბალია და მინიმუმ 30%-ს უნდა შეადგენდეს.

მოვუწოდებთ პარლამენტს, პლენარულ სხდომაზე მხარი არ დაუჭიროს ინიცირებულ ცვლილებას, რაც შეასუსტებს ადგილობრივ დონეზე ქალთა წარმომადგენლობას, შეაფერხებს არსებითი თანასწორობის მიღწევას და საერთაშორისო ვალდებულებების შესრულებას. ” – ნათქვამია განცხადებაში.

განცხადებას ავრცელებენ:

ქალთა პოლიტიკური მონაწილეობის სამუშაო ჯგუფი

ქალთა მოძრაობა

სამართლიანი არჩევნებისა და დემოკრატიის საერთაშორისო საზოგადოება (ISFED)

კავშირი „საფარი“

საქართველოს ახალგაზრდა იურისტთა ასოციაცია (GYLA)

ქალები საერთო მომავლისთვის (WECF) – საქართველო

ღია სივრცე კავკასია (COS)

ქალთა პოლიტიკური რესურს ცენტრი (WPRC)

გენდერული თანასწორობის ქსელი (GEN)

ქალთა საინფორმაციო ცენტრი (WIC)

ქალთა განათლებისა და ინფორმაციის საერთაშორისო ცენტრი

გენდერული სამართლიანობა

ჟურნალისტთა ქსელი გენდერული თანასწორობისთვის

საქართველოს სტრატეგიული ანალიზის ცენტრი

მარნეულის დემოკრატ ქალთა საზოგადოება

ქალთა ფონდი საქართველოში

ფონდი ტასო

ჩვენ განათლებისთვის

ფემინა

ხათუნა სამნიძე

თინა ბოკუჩავა

სოფიო შამანიდი

თეონა აქუბარდია

ხატია დეკანოიძე

თეონა ჭალიძე

ლანა გალდავა

ანა კობახიძე

დეა მეტრეველი

თამთა შამათავა

ანა ნაცვლიშვილი

ნანა თოხვაძე

ანა წითლიძე

ანა დოლიძე

თამარ ბელქანია

ანა ბიბილაშვილი

ევა ლომთაძე

უფასო კვება ექნებათ რუსთაველ სკოლის მოსწავლეებსაც – კირკიტაძე

ოპოზიციის რუსთავის მერობის კანდიდატი, დავით კირკიტაძე ამბობს, რომ სკოლაში უფასო კვება ექნებათ რუსთავში მცხოვრებ...

ფული აქვთ აღებული სააკაშვილის ლობირებისთვის – კობახიძე ევროპარლამენტარებზე

"კონკრეტული, ერთი და იგივე გვარები, ლობისტები ჰყავთ ევროპარლამენტში, თუმცა მათი ხმა არ არის...

პანიკა დათესეს გვარამიამ, მელიამ – ღარიბაშვილი სპეცრაზმის მობილიზებაზე

პრემიერმინისტრი ირაკლი ღარიბაშვილი ეხმიანება გავრცელებულ ინფორმაციას სპეცრაზმის მობილიზებასთან დაკავშირებით და მას გამოგონილ ამბავს უწოდებს. მისი...

ვინ უშლის სააკაშვილს ჭამას? ის არასდროს იქნება პრივილეგირებული – პრემიერი

"ვინ უშლის ჭამას? რატომ შიმშილობს? პატიმარი სააკაშვილი არასდროს იქნება პრივილეგირებული. რამდენიმე ათასი პატიმარი ზის...

სპეცდანიშნულების რაზმის არცერთ თანამშრომელს დისლოკაციის ადგილი არ დაუტოვებია – სუს

სახელმწიფო უსაფრთხოების სამსახური ეხმიანება ოპოზიციის ნაწილისა და მედიასაშუალებების მიერ გავრცელებულ ინფორმაციას, რომ ძალოვანი უწყებები...

ან მოსახლეობა გათავისუფლდება გავლენებისგან, ან მთავრობა სავალდებულო აცრას შემოიღებს – ცერცვაძე

"თუ რაღაც რადიკალური ზომები არ მივიღეთ და არ გამოვფხიზლდით, დიდხანს ამ სიტუაციის შენარჩუნებაც ძნელი...

არასდროს საზოგადოება არ დაგვიყვია პოლიტიკური ნიშნით – კალაძე

"ბოლო 4 წლის განმავლობაში ორ მილიონამდე დახმარების მოთხოვნა დავაკმაყოფილეთ. არ ყოფილა შემთხვევა ვინმეს განაცხადი...

ოცნებას ყურადღება ზუგდიდზე გადააქვს, რათა გადაიფაროს თბილისის პროცესი – ხუხაშვილი

"ის, რასაც ქართული ოცნება აკეთებს, ძალიან ჰგავს საომარი მოქმედებების ტაქტიკას, თავისი პროპაგანდისტული საინფორმაციო, საარტირელიო...

პარიზში აუქციონზე 66 მლნ. წლის წინანდელი დინოზავრის ჩონჩხი იყიდება

პარიზში აუქციონზე გაიყიდება დინოზავრ–ტრიჯერატოპსის ყველაზე დიდი ჩონჩხი, რომელიც კი ადამიანს ოდესმე აღმოუჩენია. ვარაუდობენ, რომ მისი გასაყიდი ფასი დაახლოებით 1.5 მილიონ ევროს შეადგენს. დინოზავრი “დიდი ჯონი“...

აშშ–ში ღორის თირკმლის ადამიანისთვის გადანერგვის პირველი წარმატებული ოპერაცია ჩატარდა

ამერიკელი ქირურგები ამტკიცებენ, რომ პირველად შეძლეს წარმატებით გადაენერგათ ღორის თირკმალი ადამიანისთვის. ექიმებს იმედი აქვთ, რომ ეს დონორთა ორგანოების უკმარისობის პრობლემის გადაჭრაში დაეხმარებათ. ტრანსპლანტაცია აშკარად ექსპერიმენტული ხასიათი...

ჟან-პოლ ბელმონდო 88 წლის ასაკში გარდაიცვალა

გარდაიცვალა ცნობილი ფრანგი მსახიობი ჟან პოლ ბელმონდო. ის 88 წლის იყო. მას პოპულარობა ჟან-ლუკ კოდარის "უკანასკნელ ამოსუნთქვაში" შესრულებულმა მიშელ პუაკარის როლმა მოუტანა. ბელმონდოს კინოკარიერა 50 წელს...