ირაკლი კობახიძის ინფორმაციით, NDI-ს და IRI-ს დამკვირვებლები არჩევნებზე ვერ ჩამოვლენ

ამჟამინდელი გადაწყვეტილება არის ის, რომ წესით NDI-დან და IRI-დან არ ჩამოვლენ დამკვირვებლები არჩევნებზე. ანალოგიური გადაწყვეტილებები მიიღეს მათ სხვა ქვეყნებთან მიმართებითაც. – ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ჟურნალისტებს განუცხადა.

„მე პირადად მქონდა შეხვედრა IRI-ის ოფისის ხელმძღვანელთან, სადაც მან განმარტა ამ ვიზიტის ამ ეტაპზე გაუქმების საფუძველი, თუმცა გარკვეული იმედი ჯერ კიდევ არსებობს, რომ შეიძლება ისინი ჩამოვიდნენ საქართველოში. ვნახოთ, როგორ განვითარდება პროცესები“, – განაცხადა ირაკლი კობახიძემ.

ამასთან, მისივე თქმით, ბოლო ორი თვის განმავლობაში პარტიას სრულმასშტაბიანი კამპანია ექნება. კობახიძის განმარტებით, არის მთელი რიგი რეგულაციები, რომელიც მხოლოდ არჩევნების დანიშვნის შემდეგ ამოქმედდება, მათ შორის, სატელევიზიო რეკლამის განთავსება და ა.შ.

„სრულმასშტაბიან კამპანიაზე გადავა ყველა პოლიტიკური პარტია, თუმცა ხედავთ, რომ „ქართული ოცნება“ უკვე დიდი ხანია საკმაოდ ინტენსიურად აწარმოებს თავის საარჩევნო კამპანიას. თუმცა, აქვე ვიტყვი იმასაც, რომ ეს კამპანია ადაპტირებულია საჭიროებებზე, რომლებიც გამომდინარეობს კოვიდის გავრცელების რისკიდან. შესაბამისად, ამავე რეჟიმში გაგრძელდება ჩვენი მხრიდან კამპანიის წარმოება. დავიცავთ ყველა იმ სტანდარტს, რაც პანდემიიდან გამომდინარეობს. თუმცა, ამასთან ერთად ჩვენი კამპანია იქნება საკმაოდ ინტენსიური იმისათვის, რომ ჩვენი გზავნილები, მათ შორის, საპროგრამო გზავნილები მივიტანოთ თითოეულ ამომრჩევლამდე.

რაც შეეხება დამკვირვებლებს, ჩვენ ვქმნით მაქსიმალურად კომფორტულ პირობებს იმისათვის, რომ მაქსიმალურად დიდი რაოდენობით დამკვირვებლები ჩამოვიდნენ საქართველოში. ამ შემთხვევაში დადგენილია სპეციალური პროტოკოლი, გათვალისწინებულია მხოლოდ PCR ტესტირება დამკვირვებლებისთვის. ასევე ხელისუფლების მხრიდან შეთავაზებული იქნება ლოჯისტიკური განსხვავებული პირობებიც. მაგალითად, შეიძლება დაორგანიზდეს სპეციალური ფრენებიც კი იმისათვის, რომ დამკვირვებლებს გაუადვილდეთ საქართველოში ჩამოსვლა. დღევანდელი მდგომარეობით ვფიქრობთ, რომ საკმაოდ დიდი რაოდენობით ჩამოვლენ დამკვირვებლები საქართველოში, მათ შორის, ეუთო-დან, სხვა საპარლამენტო ასამბლეებიდან, ევროსაბჭოს საპარლამენტო ასამბლეის დამკვირვებელთა ვიზიტიც იგეგმება. არის მხოლოდ რამდენიმე შემთხვევა, სადაც განიხილება არჩამოსვლის საკითხი. ეს არის IRI, NDI, ევროპარლამენტი და ჯერ კიდევ ადგენენ, ზოგადად წესებს არჩევნების დაკვირვებასთან დაკავშირებით სხვადასხვა ქვეყანაში. აქ, მხოლოდ საქართველოზე არ არის საუბარი“, – განაცხადა კობახიძემ.

ჟურნალისტის კითხვაზე, აღნიშნული საერთაშორისო ორგანიზაციების არჩამოსვლის მიზეზი არის თუ არა ხელისუფლების მხრიდან ამ ორგანიზაციების კრიტიკა, კობახიძემ უპასუხა, რომ მმართველი პარტია IRI-ს და NDI-ს არასდროს აკრიტიკებს.

„ჩვენ NDI-ს და IRI-ს არასდროს ვაკრიტიკებთ. არის მხოლოდ ერთი პატარა გამონაკლისი, სადაც ჩვენ ვაკრიტიკებთ არა მათ, არამედ მათ მიერ დაქირავებულ კვლევით ორგანიზაციებს, იმ ქართულ ორგანიზაციებს, რომლებიც არიან „ნაციონალურ მოძრაობასთან“ დაკავშირებული. შესაბამისად, ჩვენი მხრიდან NDI-ს და IRI-ს კრიტიკას თქვენ ვერ მოისმენთ“, – განაცხადა ჟურნალისტებთან საუბრისას კობახიძემ.

კორონავირუსით 31 წლის ქალი გარდაიცვალა

აჭარაში კორონავირუსით 31 წლის ქალი გარდაიცვალა.გარდაცვლილი  კლინიკა მედინაში მკურნალობდა. პაციენტს გული გაუჩერდა. "მას ჰქონდა ფილტვის მძიმე დაზიანება, ახალი კორონავირუსი ინფექციის...

არასწორი იყო, სერიოზული ზიანი მოადგა გირჩს – ჯაფარიძე ხვიჩიას განცხადებაზე

გირჩის ლიდერი ზურა ჯაფარიძე ეხმიანება თავისი თანაპარტიელის, იაგო ხვიჩიას განცხადებას პორნოგრაფიასთან დაკავშირებით. ჯაფარიძის თქმით, ხვიჩიას...

ჯაფარიძემ პოზიცია დააფიქსიროს, ჩემს მლანძღველებს შორის მისი მეგობრებიც არიან – ხვიჩია

"ჯაფარიძემ პოზიცია დააფიქსიროს, ჩემს მლანძღველებს შორის მისი მეგობრებიც არიან " - გირჩის ერთ-ერთი ლიდერი...

ცესკომ საპარლამენტო არჩევნების შემაჯამებელი ოქმი დაამტკიცა

ცენტრალურმა საარჩევნო კომისიამ 31 ოქტომბრის საპარლამენტო არჩევნების შემაჯამებელი ოქმი დაამტკიცა. ცესკოს მონაცემებით, მანდატები ასე გადანაწილდა: ...

მათთვის ყველა არჩევნები გაყალბებულია, ვიდრე სასურველი შედეგები არ დადგება – ჟვანია ოპოზიციაზე

ცესკოს თავმჯდომარის თამარ ჟვანიას განცხადებით, ოპოზიციას ყველა არჩევნები გაყალბებულად მიაჩნია, რომელშიც სასურველ შედეგს ვერ...

არ გამოვიდა ჩემზე, დაიწყეს რეპრესიები ტელევიზიაზე – ნიკა გვარამია

მთავარი არხის გენერალური დირექტორი ნიკა გვარამია მისი ტელევიზიის დაჯარიმებას ეხმიანება. მისი თქმით, ტელევიზიას წინასაარჩევნო პერიოდში...

მთავარი არხი მარეგულირებელმა კომისიამ 58 ათასი ლარით დააჯარიმა

მარეგულირებელმა კომისიამ "მთავარი არხი" 58 000 ლარით დააჯარიმა. ამის მიზეზად კომისიამ 6-7 ნოემბერს ეთერში...

ჰიმალაების ტრავერსზე ვართ ახლა – პაატა იმნაძე

დაავადებათა კონტროლის ეროვნული ცენტრის დირექტორის მოადგილე, პაატა იმნაძე ამბობს, რომ ახლა "ჰიმალაების ტრავერსზე ვართ". "ტრავერსზე...

სხვა სიახლეები

“საიდან ამდენი ღვარძლი, ბოღმა და სიძულვილი?“– თენგიზ ცერცვაძე კიდევ ერთ კოლეგას უპირისპირდება

ინფექციური პათოლოგიისა და შიდსის ცენტრის გენერალური დირექტორი თენგიზ ცერცვაძე მორიგ ვრცელ წერილს აქვეყნებს და ისევ კოლეგებს უპირისპირდება. ამჯერად მისი კრიტიკის ობიექტი ინფექციონისტი გიორგი კანდელაკია,...

ჯანმრთელობა

ბრიტანეთი კორონავიურსის წინააღმდეგ Pfizer–ის ვაქცინით მასობრივ ვაქცინაციას მომავალი კვირიდან იწყებს

დიდი ბრიტანეთი მსოფლიოში პირველი ქვეყანა გახდა, რომელმაც Covid19-ის საწინააღმდეგო Pfizer/BioNTech–ის მიერ შექმნილი ვაქცინა ფართო მოხმარებისთვის დაუშვა. ვაქცინაცია უკვე მომავალ კვირას იწყება. პირველ რიგში ხანდაზმული...

შოუ ბიზნესი

მსახიობმა ელენ პეიჯმა განაცხადა, რომ ტრანსგენდერია და ყველას სთხოვა ამიერიდან ელიოტი დაუძახონ

მსახიობმა ელენ პეიჯმა განაცხადა, რომ ტრანსგენდერია და ყველას სთხოვა მას ელიოტი დაუძახონ, გარდა ამისა, მასზე საუბრისას მამრობითი სქესის აღმნიშვნელი ნაცვალსახელი გამოიყენონ. მსახიობი, რომელიც კანადაში დაიბადა...

ვიდეო