კატა პალმერსტონი, რომელიც ბრიტანეთის საგარეო საქმეთა სამინისტროში ცხოვრობდა პენსიაში გავიდა

კატა პალმერსტონი, რომელიც ბრიტანეთის საგარეო საქმეთა სამინისტროში მთავარი თავგებზე მონადირის პოსტს იკავებდა, პენსიაში გავიდა და საცხოვრებლად სოფლად გადაბარგდა, სადაც კორონავირუსის პანდემიის გამო ბოლო რამდენიმე თვე გაატარა. ამის შესახებ ბიბისი წერს. ტვიტერზე პალმერსტონის ოფიციალურ ექაუნთზე განთავსდა მისი განცხადება გადადგომის შესახებ ბრიტანეთის საგარეო საქმეთა მინისტრის მოადგილის, საიმონ მაკდონალდის სახელზე.

“საგარეო საქმეთა სამინისტროში მთავარი თაგვებზე მონადირის თანამდებობაზე მუშაობის დაწყებიდან ოთხი წლის შემდეგ მოვიდა დრო პენსიაზე გავიდე, რათა შევძლო დასვენება საყოველთაო ყურადღებისგან შორს“ – ნათქვამია დოკუმენტში.

ბრიტანეთში მარტის ბოლოს გამოცხადებული კარანტინის დროს კატა ლონდონის ცენტრიდან სამინისტროს თანამშრომლის ქალაქგარეთ მდებარე სახლში გადაიყვანეს. სწორედ იქ დარჩება ის ამიერიდან საცხოვრებლად.

“ძალიან მომწონს ხეებზე აძვრომა, ჩემი ახალი სოფლის სახლის გარშემო მინდვრებში სეირნობა. ჩემს ახალ სახლში ოჯახი ჩემზე ზრუნავს. რა თქმა უნდა, მომწონს ოფისის ხმაური და აურზაური… თუმცა ასაკთან ერთად აუცილებელია დიპლომატიურ საქმეებს ჩამოვშორდე და საკუთარ თავზე ვიფიქრო“– ნათქვამია გადადგომის განცხადებაში.

ფორინ ოფისის ხელმძღვანელის მოადგილე, საიმონ მაკდონალდი ტვიტერზე წერს, რომ სამინისტროს თანამშრომლებს პალმერსტონი ძალიან მოენატრებათ.

“პალმერსტონი ბატერსის თავშესაფრიდან მოვიდა, თაგვების დაჭერა დაიწყო და სოციალურ ქსელებში ფენომენად იქცა. მას ტვიტერზე უკვე 105 000 ხელმომწერი ყავს. ჩვენთან მოსვლიდან 4.5 წლის შემდეგ, აგვისტოს ბოლოს ის პენსიაზე გადის. მას ისე მოეწონა კარანტინის დროს ქალაქგარეთ, რომ გადაწყვიტა იქ დარჩეს.“ –წერს მაკდონალდი.

პალმერსტონი ძაღლების და კატების თავშესაფრიდან აიყვანეს, რომელიც ლონდონის ბატერსის რაიონში მდებარეობს. მას სახელი ბრიტანეთის ყოფილი საგარეო საქმეთა მინისტრის და პრემიერ მინისტრის ჰენრი პალმერსტონის პატივსაცემად დაარქვეს.

ამ თავშესაფრის კიდევ ერთი ბინადარი კატა ლარია, რომელიც პრემიერ მინისტრის რეზიდენციაში დაუნინგ სთრითზე ცხოვრობს. კატებს ერთმანეთთან რთული ერთიერთობები ჰქონდათ და ხშირად ჩხუბობდნენ.

საგარეო საქმეთა სამინისტროს შენობაში გადასვლის შემდეგ პალმერსტონმა ერთხელ ცოტა ხნით ლარის კანონიერ ტერიტორიაზე შეღწევაც მოახერხა–პრემიერის რეზიდენციაში. მან იმით ისარგებლა, რომ კარი ღია იყო, თუმცა მალევე ოფისიდან პოლიციამ გამოიყვანა.

ბრიტანეთის ოფიციალურ რეზიდენციებში კატების ყოლის ტრადიცია ჯერ კიდევ მეთხუთმეტე საუკუნეში ჩამოყალიბდა. მათ თაგვებზე მონადირის ოფიციალური სტატუსი აქვთ და წელიწადში 100 ფუნტის ოდენობის ხელფასს იღებენ.

“მეკითხებოდნენ თქვენ რაზე ზიხართო“–Covid 19-ით ინფიცირებული მწერალი როსტომ ჩხეიძე ციხის საავადმყოფოში მოხვდა

Covid 19-ით დაინფიცირებული მწერალი როსტომ ჩხეიძე ადგილების უქონლობის გამო სამკურნალოდ ციხის საავადმყოფოში მოხვდა. დაავადების...

“ბნელი გვირაბის ბოლოს სინათლე უფრო კაშკაშა ხდება“–ჯანმოს ხელმძღვანელი

ჯანდაცვის მსოფლიო ორგანიზაციის ხელმძღვანელი, ტედროს გებრეიესუსი ამბობს, რომ გრძელი, ბნელი გვირაბის ბოლოს სინათლე უფრო...

ეკონომიკა არ ვიცი ,რაც ვიცი არის რომ მეტი გადარჩენილი სიცოცხლე უნდა გვყავდეს,ვიღაცამ რაღაც უნდა...

"ეკონომიკა არ ვიცი ,რაც ვიცი არის რომ მეტი გადარჩენილი სიცოცხლე უნდა გვყავდეს,ვიღაცამ რაღაც უნდა...

მოვიდეს ის ვისაც ამ პროცესის მართვა შეუძლია – ლევან რატიანი ეპიდვითარებაზე

ყველამ უნდა დაივიწყოს ამბიცია, ვისაც არ შეუძლია, სახლში წავიდეს და ის მოვიდეს, ვისაც ამ...

ბაიდენმა ახალი სახელმწიფო მდივანი უკვე შეარჩია. ვინ არის ენტონი ბლინკენი

ამერიკის ახლადარჩეული პრეზიდენტი თეთრი სახლის აპარატის ფორმირების შემდეგ საგარეო პოლიტიკური გუნდის ფორმირებას იწყებს. საკვანძო...

პატივი სცენ ამომრჩევლის დემოკრატიულ არჩევანს და გამონახონ კომპრომისი – ევროპარლამენტარები საქართველოში გამართულ არჩევნების მეორე...

ევროპარლამენტარები 21 ნოემბერს საქართველოში გამართულ არჩევნების მეორე ტურთან დაკავშირებით ერთობლივ განცხადებას ავრცელებენ. „საქართველოში შაბათს საპარლამენტო არჩევნების...

ბაიდენი საჯაროდ მიწოდებდა აღმოსავლეთ ევროპის ჯორჯ ვაშინგტონს – მიხეილ სააკაშვილი

საქართველოს მესამე პრეზიდენტის მიხეილ სააკაშვილის განცხადებით, შეერთებული შტატების არჩეული პრეზიდენტი ჯო ბაიდენი მას საჯაროდ...

საველე ჰოსპიტლების გამოყენების საკითხს არ განვიხილავთ – ტიკარაძე

"კარვების სანაცვლოდ არაერთი დამატებითი სივრცე გვაქვს გამოყოფილი, რომელიც ამ ეტაპისთვის მზადდება", - ამის შესახებ...

სხვა სიახლეები

აშშ-ში covid19-ის რისკჯგუფებს ვაქცინაზე წვდომა სავარაუდოდ წლის ბოლომდე იქნებათ

ამერიკის ჯანდაცვისა და სოციალური სამსახურის მდივნის, ალექს აზარის ინფორმაციით შეერთებულ შტატებს საკმარისი უსაფრთხო და ეფექტური ვაქცინა ექნება 2020 წლის ბოლომდე იმისთვის, რომ ყველაზე მაღალი...

ჯანმრთელობა

საქართველოს კლინიკების ასოციაცია ჯანდაცვის მინისტრის გადადგომას ითხოვს

საქართველოს კლინიკების ასოციაცია ჯანდაცვის სისტემაში შექმნილი კრიზისისა და მძიმე მდგომარეობის გამო ჯანდაცვის მინისტრის, ეკატერინე ტიკარაძის თანამდებობიდან გადადგომას მოითხოვს. ამის შესახებ კლინიკების ასოციაციის მიერ გავრცელებულ...

შოუ ბიზნესი

ტრანსგენდერი მოდელის შიშველმა ფოტომ დიდი ვნებათაღელვა გამოიწვია

26 წლის თეოდორა ქუინლივანი (Theodora Quinlivan) მთლიანად გაშიშვლდა. ამერიკელმა ტრანსგენდერმა მოდელმა ინტიმური ადგილები ფოტოზე ხელით დაიფარა. Louis Vuitton–ის კრეატიული დირექტორის, ნიკოლა ჟასკერის საყვარელმა მოდელმა, რომელიც...

ვიდეო