მოხდება თუ არა რუსეთთან ურთიერთობის “გადატვირთვა”

ბოლო ორი ათწლეულის განმავლობაში, რუსეთის პრეზიდენტი ვლადიმირ პუტინი აკვირდებოდა თუ როგორ იცვლებოდნენ ამერიკელი პრეზიდენტები. ერთი ადმინისტრაცია მეორეს ცვლიდა.

თუმცა თავად პუტინი უცვლელი რჩებოდა.

2016 წელს, თავისი წინამორბედების მსგავსად, პრეზიდენტი ტრამპი აირჩიეს დაპირებით, რომ წარსულ უთანხმოებებს მოაგვარებდა და მოსკოვთან ურთიერთობას გააუმჯობესებდა. თუმცა ეს არ მომხდარა. ექსპერტები ამბობენ, რომ ბაიდენის მომავალი ადმინისტრაცისგან მოსკოვთან ურთიერთობის დალაგების ახალი მცდელობა, ნაკლებად სავარაუდოა.

“ურთიერთობებმა იმდენად მძიმე გზა გაიარა, რომ უბრალოდ შეუძლებელია უახლოეს მომავალში “გადატვირთვაზე” ვისაუბროთ. ვფიქრობ, გადატვირთვის ნაცვლად, კიდევ უფრო გაუარესების სივრცე არსებობს”, – ამბობს პაველ შარიკოვი, ამერიკა-კანადის ინსტიტუტის უფროსი მკვლევარი.

დაპირისპირების უკან, 2016 წლის არჩევნებში რუსეთის ჩარევაა. შეერთებულ შტატებში, ფედერალურმა გამოძიებამ რუსეთს ბრალი დასდო, რომ ტრამპს თეთრი სახლის დაკავებაში დაეხმარა. ამან მოსკოვის წინააღმდეგ ამერიკული სანქციების წყება გამოიწვია.

საინტერესოა, რომ პუტინს ბაიდენისთვის არჩევნებში გამარჯვება ჯერარ მიულოცავს. კრემლის ოფიციალური პირები აცხადებენ, ისინი სხვადასხვა შტატში ტრამპის გუნდის სასამართლო სარჩელების გადაწყვეტას ელიან.

თუმცა, ოფიციალური პოზიციის მიღმა სხვა ფაქტორები იკვეთება. რუსეთის სახელმწიფო მედიამ ბაიდენის გამარჯვება აშკარად მოპარულად, ხოლო ამერიკული არჩევნები გაყალბებულად წარმოაჩინა.

რუს ექსპერტთა ნაწილი ამბობს, რომ ორ ქვეყანას შორის დაძაბული ურთიერთობების მიუხედავად, კრემლს სურს ბაიდენის მომავალ ადმინისტრაციასთან ერთ საკვანძო საკითხზე, შეიარაღებაზე კონტროლზე, თანამშრომლობა.

“მთავარი მიზანი “ახალი სტარტის” შეთანხმების განახლებაა. როდესაც ამაზე მოლაპარაკებები შედგება… შემდეგ [რუსები] მზად არიან დამატებითი მოლაპარაკებები გამართონ სტრატეგიული სტაბილურობის საკითხზე”, – ამბობს ალექსანდრე ჩეხოვი, მოსკოვის საერთაშორისო ურთიერთობების ინსტიტუტის ანალიტიკოსი.

“ახალი სტარტის შეთანხმება”, რომელსაც ხელი ობამას წლებში მოეწერა, ფორმალურად თებერვალში მთავრდება.

ტრამპის ადმინისტრაცია ახალ შეთანხმებაზე მოლაპარაკებებს აწარმოებდა. თუმცა ვაშინგტონი გარკვეულ ცვლილებებს ითხოვდა, რაზეც მოსკოვი არ თანხმდებოდა. ბაიდენმა თქვა, რომ მზადაა ხელშეკრულების გასაგრძელებლად პუტინთან ითანამშრომლოს.

არჩეულ პრეზიდენტს მოსკოვთან ურთიერთობის გამოცდილება აქვს. ბაიდენმა წარსულში, როგორც ბარაკ ობამას თეთრი სახლის ვიცე-პრეზიდენტმა, მნიშვნელოვანი როლი ითამაშა რუსეთთან ურთიერთობების “გადატვირთვის” პოლიტიკაში.

2011 წელს, ვიცე-პრეზიდენტი ჯო ბაიდენი ამბობდა: “ძალიან კარგი ამბავი ისაა, რომ პრეზიდენტი და მე 100 პროცენტით ვეთანხმებით იმას, რომ საჭიროა რუსეთთან უფრო და უფრო ახლო კავშირების დამყარება.”

თუმცა 2011 წლის შემდეგ, ვითარება შეიცვალა. რუსეთი უკრაინაში შეიჭრა და შემდეგ სირიაში ასადის რეჟიმის დასახმარებლად ჩაერთო. დემოკრატთა ნაწილი იმასაც ფიქრობს, რომ მოსკოვმა გადამწყვეტი როლი ითამაშა 2016 წელს ჰილარი კლინტონის დამარცხებაში. ეს ფაქტორები ბაიდენის მომავალ ადმინისტრაციას, მოსკოვთან ურთიერთობების დათბობაში სავარადუდოდ ხელს შეუშლის.

წყარო: ამერიკის ხმა

ტიკარაძის განცხადებით, დაჯავშნულა 1.7 მლნ დოზა ვაქცინა, რომლებიც WHO-ს აღიარებას ელოდებიან

ჯანდაცვის მინისტრი, ეკატერინე ტიკარაძე აცხადებს, რომ დაჯავშნულია, 1.7 მლნ დოზა ვაქცინა, რომლებიც ჯანდაცვის მსოფლიო...

კრწანისში ოკუპაციის მსხვერპლთა ხსოვნის მემორიალი დააზიანეს

კრწანისში ოკუპაციის მსხვერპლთა ხსოვნის მემორიალი დააზიანეს. ამის შესახებ ინფორმაციას, თბილისის მერია აცხადებს. "მემორიალი მიმდინარე წლის...

ევროკავშირის საგარეო მინისტრები შუამავლობის ჯგუფს ქმნიან – ლანდსბერგისი

ლიეტუვის საგარეო საქმეთა მინისტრის, გაბრიელიუს ლანდსბერგისის თქმით, ევროკავშირის მინისტრები "შუამავლების ჯგუფს" ქმნიან, რათა საქართველოს...

Covid19-ის ვაქცინაცია 111 ქვეყანაში მიმდინარეობს, აცრილია 280 მილიონამდე ადამიანი

მსოფლიოში Covid19-ის ვაქცინაცია 111 ქვეყანაში მიმდინარეობს და ამ დროისთვის უკვე 280 მილიონამდე ადამიანია აცრილი....

რა შემთხვევაში შევა “ლელო” პარლამენტში – ბადრი ჯაფარიძის განმარტება

„ლელოს“ გენერალური მდივანი ბადრი ჯაფარიძე აცხადებს, რომ პარლამენტში იმ შემთხვევაში შევლენ, და ჩაერთვებიან საგამოძიებო...

თენგიზ ცერცვაძის განცხადებით წლის ბოლომდე 3.5 მლნ დოზა ვაქცინა შემოვა

ინფექციური საავადმყოფოს დირექტორის თენგიზ ცერცვაძის განცხადებით, მარტში ვაქცინის პირველი დოზების მიღების შემდეგ, დანარჩენი ვაქცინის მიღება...

ბუწაშვილი ვაქცინის მომწოდელებთან დადებული ხელშეკრულების გასაჯაროვებას ითხოვს

ინფექციონისტი მაია ბუწაშვილი,ვაქცინის მომწოდელებთან დადებული ხელშეკრულების გასაჯაროვებას ითხოვს. ამის შესახებ ის სოციალურ ქსელში წერს. “1....

უგანდამ ასტრაზენეკას ვაქცინის 864 000 დოზა მიიღო

უგანდამ ჯანმრთელობის მსოფლიო ორგანიზაციის Covax პლატფორმის მეშვეობით ვაქცინის პირველი დოზები მიიღო. პირველ ეტაპზე, უგანდის დედაქალაქ...

სხვა სიახლეები

“მერკი” კონკურენტ კომპანიას, Johnson & Johnson-ს ვაქცინის დამზადებაში დაეხმარება

ამერიკული ფარმაკო-გიგანტი "მერკი"  კონკურენტ კომპანიას "ჯონსონ და ჯონსონს" კორონავირუსის ვაქცინის წარმოებაში დაეხამრება რათა ვაქცინის წარმოება დაჩქარდეს. ეს შეთანხმება უზრუნველყოფს, რომ უახლოეს თვეებში, აშშ-ს ჯანდაცვას მილონობით...

ჯანმრთელობა

“მერკი” კონკურენტ კომპანიას, Johnson & Johnson-ს ვაქცინის დამზადებაში დაეხმარება

ამერიკული ფარმაკო-გიგანტი "მერკი"  კონკურენტ კომპანიას "ჯონსონ და ჯონსონს" კორონავირუსის ვაქცინის წარმოებაში დაეხამრება რათა ვაქცინის წარმოება დაჩქარდეს. ეს შეთანხმება უზრუნველყოფს, რომ უახლოეს თვეებში, აშშ-ს ჯანდაცვას მილონობით...

შოუ ბიზნესი

ჟერარ დეპარდიეს წინააღმდეგ გაუპატიურების ბრალდებით საქმე აღიძრა

საფრანგეთის პროკურატურამ კვლავ დაიწყო გამოძიება მსახიობ ჟერარ დეპარდიეს წინააღმდეგ ახალგაზრდა მსახიობის გაუპატიურების ბრალდებით. საქმე ეხება 2018 წელს დეპარდიეს პარიზის სახლში მომხდარ ამბავს. სავარუდო მსხვერპლის...

ვიდეო