რუსები ტყვედ ცვივიან ან დეზერტირობენ და პანიკურად გარბიან აღმოსავლეთით.ვითარება უკრაინის ფრონტზე–ექსპერტის ანალიზი

საგარეო პოლიტიკისა და უსაფრთხოების ექსპერტი, GIPA–ს პროფესორი გიორგი კობერიძე 11 მაისში უკრაინის ფრონტზე მიმდინარე მოლენების აჯამებს  და უკრაინელების წარმატებებზე საუბრობს, რომელიც ძირითადად ხარკოვის რაიონში იკვეთება:

– ხარკივის შემოგარენში შეტევაზე გადასული უკრაინული დანაყოფები ორ განსხვავებულ მონაკვეთზე – ტერნოვასა და ზელენეს მიმართულებით – რუსეთის საზღვარზე გვიდნენ. ამასთან დასახლება პეტრივკაში რუსები ალყაში არიან მოქცეულები. დღეს ვინც გადაასწრო ბელგოროდის რაიონში (რუსეთი) სამშვიდობოს გავიდა, მაგრამ კომუნიკაცია რუსულ სამხედრო ნაწილებში იმდენად მოშლილია, რომ რუსების ოცეულები და ასეულები უკრაინელთა უკან რჩებიან და საბოლოოდ ტყვედ ცვივიან ან დეზერტირობენ და პანიკურად გარბიან აღმოსავლეთით, რუსეთის საზღვრისაკენ. ათობით გზააბნეული რუსი ტყეში იპოვეს.

მომდევნო დღეებში სავარაუდოა, რომ საბოლოო იერიში დაიწყება ბოლო მნიშვნელოვან დასახლებაზე კოზაჩა ლოპანისაკენ, რომელიც ხარკვი-რუსეთის საზღვარზე მდებარეობს. რუსებს თავდაცვის ზღუდეები აქვთ აგებული, მაგრამ უკრაინელები იმდენად აქტიურად უტევენ ამ მიმართულებას, რომ საეჭვოა ვინმემ ან რამემ გაუწიოს მათ წინააღმდეგობა.

ამასთან, ათობით დაუზიანებელი რუსული ტექნიკა გზებზე ან მინდვრებშია მიმოფანტული. მათ საწვავი გაუთავდათ ან უბრალოდ არ სურდათ უკრაინულ სამიზნედ ქცეულიყვნენ და ეკიპაჟმა დატოვა ისინი. გზებზეა მობნეული განადგურებული რუსული ტექნიკა, რომლის გაყვანასაც ორი დღის განმავლობაშიც რუსები ცდილობდნენ, თუმცა საარტილერიო ცეცხლში მოყვნენ და გაანადგურეს.

ზოგადად, ბელგოროდის რაიონში (რუსეთი) იმდენად დიდია დაბნეულობა, რომ რეალურადაც კი განხილავენ უკრაინელთა შეტევის შესაძლებლობას და ტერიტორიული დაცვის შექმნას ცდილობენ, ხოლო მოსახლეობას დღიურ 30 დოლარად საბრძოლოდ გაშვებას სთავაზობენ (მსგავსი შეთავაზება რუსეთის სხვა ქალაქებშიც გამოჩნდა).

სამ უკრაინულ ბრიგადასთან ერთად ხარკივის შემოგარენის გასათავისუფლებლად ჩართულია “აზოვი”, “კრაკენი” და ადგილობრივი პოლიცია.

– ხარკივის რაიონში მცხოვრები პრო-რუსი მოძალადე კოლაბორაციონისტები, რომლებიც ხალხს რუსული ოკუპაციის პირობებში აწამებდნენ, თეთრი სიმბოლიკის და ზოლიანი ლენტების ტარებას აიძულებდნენ დაკავებულები არიან. რუსულმა არმიამ ისინი მიატოვა, სამაგიეროდ ხარკივის რაიონულმა პოლიციამ მათი დაკავების ოპერაცია დაიწყო. ერთ-ერთი გამორჩეული ყასაბი იყო ნადია ანტონოვა, რომელიც უკრაინელ მშვიდობიან მოსახლეობას აწამებდა. დღეს ბორკილებდადებული იგი საკუთარი სახლიდან წამოიყვანეს. დაკავებისას მას, როგორც კოლაბორაციონისტებს სჩვევიათ სხვების დაბრალება და სხვა კოლაბორაციონისტების მხილება დაიწყო. ამ ომის შემდეგ უკრაინა სრულად გაიწმინდება კოლაბორაციონისტებისაგან.
– იზიუმისა და მისი შემოგარენის საარტილერიო იერიში დაიწყო. ხარკივის რაიონზე გამავალი რუსული მომარაგების გზა ინტენსიურად იბომბება უკრაინული ზალპური ცეცხლის მიერ. რუსების რიგებში იმდენად დიდია დაჭრილებისა და დაღუპულების რაოდენობა, რომ ყოველ ნახევარ საათში რამდენიმე რუსული შვეულმფრენი ჯდება მათ გასაყვანად.

დონბასი (დონეცკი და ლუგანსკი):

– როგორც 8-9 მაისის მიმოხილვაში განვიხილეთ რუსებმა (ორმა ტაქტიკურმა ბატალიონმა) იზიუმის აღმოსავლეთით მდინარე სევერსკი დონეცი გადალახეს და ლუგანსკისა და დონეცკის რაიონის საზღვართან მდებარე სოფელ ბილოჰოროვკამდე მივიდნენ, რომელშიც ისინი უკრაინელებმა სრულად გაანადგურეს. უკან დახევისას 9-10 მაისს მათი პონტონური ხიდები (სამხედრო ხიდები) უკრაინელებმა საარტილერიო და საავიაციო (ომის დაწყების დღიდან უკრაინელებმა ციდან ლუგანსკის რაიონი მხოლოდ ორჯერ დაბომბეს) იერიშები მიიტანეს. რუსების მცდელობა დაეცვათ ხიდები სრული კატასტროფით დასრულდა. წუხელ უკრაინულმა არტილერიამ ყველა დარჩენილი ნაწილი – ერთი ტაქტიკური ბატალიონი თავისი ტექნიკით – სრულიად გაანადგურა. ბოლო სამ დღეში მოკლულია დაახლოებით 500-დან 700 რუს სამხედრომდე სევერსკი დონეცის სანაპიროს გასწვრივ. ამხელა მსხვერპლი ასეთ პატარა მონაკვეთზე ძალიან დიდი დარტყმაა რუსული სამხედრო ნაწილებისათვის.
(ფოტოები კომენტარებში)

ზაპორიჟია:

– სამხრეთში ქალაქ ჰალიუპოლეს მიმართულებით სიტუაცია უცვლელია – რუსებმა მისი აღება კვლავ ვერ შეძლეს, თუმცა როგორც ჩანს რუსები ქალაქზე კიდევ ერთი, ახალი მასშტაბური შეტევის დაწყებას გეგმავენ. ქალაქის შემოგარენთან რუსები არიან ახლოს. უკრაინელებს ძალიან კარგად აქვთ გამაგრებული ქალაქი, მაგრამ მშვიდობიანი მოსახლეობის გაყვანის აუცილებლობაზე ალაპარაკდნენ, რომ მსხვერპლი ამ მიმართულებით არ იყოს. უკრაინელები დიდი ალბათობით არათუ გაუძლებენ რუსების ყველა შესაძლო შეტევას ჰალიუპოლეს მიმართულებით, არამედ სწორედ ამ ქალაქის სამხრეთით, პოლოგის გათავისუფლებით დაიწყება სვლა სამხრეთით, ბედნიანსკისა და მარიუპოლის გასათავისუფლებლად. სწორედ იმიტომ ცდილობენ რუსები ჰალიუპოლეს აღებას, რათა უკრაინელთა ხელში სამხედრო ინიციატივის აღება არ დაუშვან.
ზოგადი მდგომარეობა:

– რუსები ბომბავენ მარიუპოლს – აზოვსტალს, ოდესას, პოლტავასა და ჩერნიჰივის რაიონსაც კი, მაგრამ ხარკივის მიმართულებით უკრაინული ინიციაიტივა იმდენად დიდია, რომ დარჩენილ რუსულ ნაწილების ტყვედ ჩაცვენის შანსი რეალური ხდება. შემდეგ კი სავარაუდოდ იზიუმის არტერიის გადაკეტვა გახდება პრიორიტეტული, რაც დასახლება ბალაკლიას გათავისუფლების შემთხვევაში ან M03 მაგისტრალის გასწვრივ შეტევით გახდება რეალური.

აზოვსტალი უკრაინელი მებრძოლების ნახევარზე მეტმა დატოვა – პუშილინი

ე.წ დონეცკის სახალხო რესპუბლიკის მარიონეტი ლიდერი აცხადებს, რომ აზოვსტალის ქარხანა უკრაინელი მებრძოლების ნახევარზე მეტმა...

აბაშიძეს საკმაოდ ხშირად ვუკავშირდები – გრიგორი კარასინი

რუსეთის ფედერაციის საბჭოს საერთაშორისო საკითხთა კომიტეტის ხელმძღვანელი, გრიგორი კარასინი აცხადებს, რომ ხშირი კომუნიკაცია აქვს...

გერმანია ყოფილ კანცლერს რუსეთთან ურთიერთობის გამო ოფიციალურ პრივილეგიებს ჩამოართმევს

გერმანიის სამი მმართველი პარტია გეგმავს ყოფილ კანცლერ გერჰარდ შროდერს ჩამოართვას ოფიციალური პრივილეგიები და შტატის...

რუსეთი მეთაურებს ათავისუფლებს, ინიციატივის დაბრუნება გაუჭირდება – ბრიტანეთი

დიდი ბრიტანეთის დაზვერვის განცხადებით, ბოლო კვირებში რუსეთმა გაათავისუფლა უფროსი მეთაურები, რომლებიც ცუდად ასრულებდნენ უკრაინაში...

რუსეთის სამხედრო დანაკარგები ომის დაწყებიდან 85-ე დღეს

უკრაინის შეიარაღებული ძალების გენშტაბი რუსეთის სამხედრო დანაკარგებზე განახლებულ ინფორმაციას აქვეყნებს. უწყების ცნობით, ომის დაწყებიდან 85...

ალექსეი არესტოვიჩმა რუსეთთან შერიგების პირობები დაასახელა

უკრაინის პრეზიდენტის ადმინისტრაციის უფროსის მრჩეველი, ალექსეი არესტოვიჩი ამბობს, რომ უკრაინა რუსეთთან კომპრომისზე არ წავა...

რუსი ოკუპანტების შეტევა 4 მიმართულებით ჩაიშალა – უკრაინის გენშტაბი

უკრაინის შეიარაღებული ძალების გენშტაბის განცხადებით, ოკუპანტებმა შეტევა 4 მიმართულებით წამოიწყეს, მაგრამ წარმატებას ვერ მიაღწიეს. "სევეროდონეცკის...

4 ელემენტი, რომელიც ჩემთვის გამარჯვების აუცილებელი კომპონენტია – კულება

„გამარჯვება არის ოკუპირებული ტერიტორიების, მათ შორის ყირიმისა და დონბასის გათავისუფლება. რეპარაციის გადახდა. ომის დამნაშავეებისა და...

უსახლკარო მილიარდერი– აბრამოვიჩს სახლი პორტუგალიაშიც დაუპატიმრეს

პორტუგალიის ხელისუფლებამ რუსი მილიარდერის, რომან აბრამოვიჩის სახლი დააპატიმრა, რომლის ღირებულება 10 მილიონი ევროა. ამის შესახებ გაზეთი Público წერს. სახლი ალგრავის რეგიონში, ქალაქ კინტა–დუ–ლაგუში, პორტუგალიის სამხრეთით...

ერთ–ერთი მთავარი მიზეზი,რის გამოც ადამიანები წონაში ვერ იკლებენ – ახალი კვლევა

ახალმა კვლევამ აჩვენა, რომ ცუდი ძილი შეიძლება წონის დაკლებას და მის შენარჩუნებას უშლიდეს ხელს. კოპენჰაგენის უნივერსიტეტის მეცნიერებმა გაარკვიეს, რომ ადამიანები, რომლებიც დიეტაზე არიან უფრო...

“ბარემ ზელენსკის “ოსკარი“ მიეცით და მუხლი მოიყარეთ უკრაინის წინაშე“–თინა კანდელაკი ევროვიზიაზე უკრაინის გამარჯვებით აღშფოთებულია

ერთ–ერთი რუსი პროპაგანდისტი, რუსული გაზპრომ მედიას დირექტორის მოადგილე, თინა კანდელაკი უკმაყოფილოა იმის გამო, რომ უკრაინულმა ჯგუფმა Kalush Orchestra–მ ევროვიზია 2022–ის ფინალში გამარჯვება მოიპოვა. ამის...