შსს–მ facebook რეკლამის ხარჯების 60% ლექსო ლაშქარავას კადრების გავრცელებაში დახარჯა

“ფლანგვის დეტექტორის“ ინფორმაციით შინაგან საქმეთა სამინისტროს მიერ ბოლო 18 თვეში ფეისბუქ რეკლამაში დახარჯული თანხების დიდი ნაწილი ტვ პირველის ოპერატორის, ლექსო ლაშქარავას კადრების რეკლამირებაში დახარჯა.

შსს-მ “ფეისბუქის” ინფორმაციის რეკლამირების ფუნქციით 2020 წლის 4 აგვისტოდან 2022 წლის 7 იანვრის პერიოდში ჯამში 1,049 აშშ დოლარი დახარჯა. 18 თვის განვალობაში სამინისტრომ მხოლოდ 19 ამბავი დაარეკლამა. საშუალოდ, სამინისტრო ახალი ამბის დარეკლამებისთვის 100$ ნაკლებ თანხას იყენებს, თუმცა იყო ორი შემთხვევა, როდესაც სამინისტრომ ინფორმაციის გავრეცელებისთვის ყველაზე დიდი თანხა – 600$ დახარჯა.

ჯამში დახარჯული 1,049 დოლარიდან სამინისტორომ 600$ 5 ივლისს განვითარებული მოვლენების შედეგად გარდაცვლილი ჟურნალისტის ლექსო ლაშქარავს ვიდეოების გავრცელებისთვის დახარჯა, ხოლო დანარჩენი 449$ სამინისტროში მიმდინარე სიახლების გასავრცელებლად. 100$-ზე ნაკლები დაიხარჯა სამინისტროს მიერ წარდგენილი 10 წლიანი საქმოქმედო გეგმის რეკლამირებაში. შინაგან საქმეთა მინისტრმა ვახტანგ გომელაურმა ისაუბრა იმ მნიშვნელოვან ცვლილებებზე რომლებიც იგეგმება, მომდევნო 10 წლის განმავლობაში. თუმცა, გამომდინარე იქიდან, რომ აღნიშნული თემის რეკლამირებისთვის 100$-ზე ნაკლები იყო დახარჯული, ამბავი ფეისბუქმომხმარებლების შედარებით მცირე ნაწილმა ნახა. სამინისტორს მიერ სოციალურ ქსელში რეკლამებზე დახარჯული თანხის მიხედვით ნათლად ჩანს სამინისტროსთვის პრიორიტეტული სიახლეები.

ხოლო რაც შეეხება, ფეისბუქზე რეკლამირებაში დახარჯულ 600$-ს, შსს-მ მოკლული ჟურნალისტის, ალექსანდრე ლაშქარავას თბილისში გადაადგილების ამსახველი ორი ვიდეო მასალა გამოაქვეყნა, 2021 წლის 12-13 და 14 ივლისს.

12 ივლისს გამოქვეყნებული კადრების გავრცელებაში სამინიტრომ 300-399 აშშ დოლარი დახარჯა. ეს თანხა 4-ჯერ აღემატება შსს მიერ რეკლამებში საშუალოდ დახარჯულ თანხის ოდენობას. აქედან გამომდინარე ნათელია სამინისტოს მიზანი, რომ ალექსანდრე ლაშქარავას გადაადგილების ამსახველი კადრები რაც შეიძლება მეტ ადამიანს ენახა.

რაც შეეხება მეორე ვიდეოს, რომელიც სამინისტრომ 13-14 ივლისს გამოაქვეყნა, ვიდეოს რეკლამირებისთვის სამინისტრომ ჯამში 200-299$ დახარჯა.

2022 წელს UNESCO-მ მსოფლიოს მასშტაბით მოკლული ჟურნალისტების სია განაახლა.
2021 წლის მონაცემებით სულ 55 ჟურნალისტი მოკლეს, მათგან ერთ-ერთი ტვ პირველის ოპერატორი, ლექსო ლაშქარავაა. აღსანიშნავია, რომ 2008 წლის შემდეგ ეს პირველი შემთხვევაა, როდესაც საქართველო ამ სიაში მოხვდა.

იუნესკოს ხელმძღვანელმა, ოდრი აზულაიმ ჯერ კიდევ 2021 წლის ივლისში მოუწოდა საქართველოს ხელისუფლებას, რომ გამჭვირვალედ და სრულყოფილად წარემართა ლექსო ლაშქარავას სიკვდილის გამოძიება.

ლექსო ლაშქარავას სიკვდილი ასევე შეყვანილია ამერიკული არასამთავრობო ორგანიზაცია “ჟურნალისტების დაცვის კომიტეტის”(CPJ) მონაცემთა ბაზაშიც.

აქვე, საინტერესოა, რომ როგორც სახელმწიფო შესყიდვების საიტიდან ვგებულობთ, შსს 2022 წელს უფრო აქტიურად აპირებს “facebook” სივრცის გამოყენებას და ბიუჯეტი 4000 აშშ დოლარამდე გაიზარდა. შინაგან საქმეთა სამინისტრომ 2021 წლის 28 დეკემბერს მიმართა სახელმწიფო შესყიდვების სააგენტოს, რომლისგანაც 4000 აშშ დოლარის გამარტივებულ შესყიდვაზე ითხოვდა თანხმობას. შსს-მ უკვე მიიღო ნებართვა გამარტივებული წესით შეისყიდოს “facebook” რეკლამირების მომსახურება.

ხოლო რაც შეეხება 2021 წლის შსს-ს მიერ რეგისტრირებულ და გახსნილ დანაშაულთა სტატისტიკას, 2021 წლის იანვარი-ნოემბრის თვის მონაცემებით საქართველოში 52,078 დანაშაული იქნა რეგისტრირებული, საიდანაც მხოლოდ 25,140 დანაშაული იქნა გახსნილი. ყველაზე დიდი რაოდენობით ჩადენილ დანაშაულთა სამეული კი შემდეგნაირად გამოიყურება: დანაშაული საკუთრების წინააღმდეგ – 19,477 შემთხვევა, დანაშაული ჯანმრთელობის წინააღმდეგ – 9,074 შემთხვევა, დანაშაული ადამიანის უფლებებისა და თავისუფლებების წინააღმდეგ – 3,996 შემთხვევა.

შსს-ს საქმიანობის შეფასების ნაწილში ასევე აღსანიშნავია წლების განმავლობაში არსებული გამოუძიებელი საქმეები, მათ შორის სამართალდამცავთა მიერ დანაშაულის ჩადენის შესაძლო შემთხვევები. 2020 წლის ანგარიშში Human Rights Watch-ი საუბრობს ძალოვანი სტრუქტურების მიერ ადამიანის უფლებების უხეშ დარღვევებზე.

Human Rights Watch-ის ახალი ანგარიშის თანახმად, 2021 წელს პოლიტიკური კრიზისის ფონზე საქართველომ ადამიანის უფლებათა რიგ სფეროებში უკუსვლა განიცადა. ანგარიშში აღნიშნულია, რომ გადაუჭრელ პრობლემად დარჩა სამართალდამცავთა მიერ ჩადენილ დანაშაულებზე არასათანადო პასუხისმგებლობა. შეშფოთებას იწვევდა სხვა საკითხებიც, მათ შორის პოლიციელთა უხეში ჩარევა შეკრების თავისუფლებაში, თავდასხმები ჟურნალისტებზე და მედიაპლურალიზმის შეზღუდვის მზარდი საფრთხე. სამართალდამცავთა მიერ ჩადენილ დარღვევებზე საუბარია სახალხო დამცველის ანგარიშში, რომელიც მიუთითებს პოლიციელების მხრიდან არასათანადო მოპყრობის ფაქტებზე, მათ შორის აშკარად გადამეტებული ძალის გამოყენებისა და დაკავების შემდეგ განხორციელებული წამებისა და სხვა არასათანადო მოპყრობის სავარაუდო ფაქტებზე.
პარალელურად კი შინაგან საქმეთა სამინისტროს დაფინანსება წლიდან წლამდე იზრდება. 2020-2022 წლებში შსს-ს დაფინანსებამ 2,410,835,600 ლარი შეადგინა, საიდანაც შრომის ანაზღაურებაზე 1,602,117,800 ლარი დაიხარჯა. 2022 წელს, 2020 წელთან შედარებით სამინისტროს დაფინანსება 99,164,400 ლარით გაიზარდა, ხოლო შრომის ანაზრაურებაზე დახარჯული თანხები 89,134,200 ლარით.
წელი/დაფინანსება სრულად/შრომის ანაზღაურება
2020 წელი – 765,835,600/493,891,800
2021 წელი – 780,000,000/525,200,000
2022 წელი – 865,000,000/583,026,000

აზოვსტალი უკრაინელი მებრძოლების ნახევარზე მეტმა დატოვა – პუშილინი

ე.წ დონეცკის სახალხო რესპუბლიკის მარიონეტი ლიდერი აცხადებს, რომ აზოვსტალის ქარხანა უკრაინელი მებრძოლების ნახევარზე მეტმა...

აბაშიძეს საკმაოდ ხშირად ვუკავშირდები – გრიგორი კარასინი

რუსეთის ფედერაციის საბჭოს საერთაშორისო საკითხთა კომიტეტის ხელმძღვანელი, გრიგორი კარასინი აცხადებს, რომ ხშირი კომუნიკაცია აქვს...

გერმანია ყოფილ კანცლერს რუსეთთან ურთიერთობის გამო ოფიციალურ პრივილეგიებს ჩამოართმევს

გერმანიის სამი მმართველი პარტია გეგმავს ყოფილ კანცლერ გერჰარდ შროდერს ჩამოართვას ოფიციალური პრივილეგიები და შტატის...

რუსეთი მეთაურებს ათავისუფლებს, ინიციატივის დაბრუნება გაუჭირდება – ბრიტანეთი

დიდი ბრიტანეთის დაზვერვის განცხადებით, ბოლო კვირებში რუსეთმა გაათავისუფლა უფროსი მეთაურები, რომლებიც ცუდად ასრულებდნენ უკრაინაში...

რუსეთის სამხედრო დანაკარგები ომის დაწყებიდან 85-ე დღეს

უკრაინის შეიარაღებული ძალების გენშტაბი რუსეთის სამხედრო დანაკარგებზე განახლებულ ინფორმაციას აქვეყნებს. უწყების ცნობით, ომის დაწყებიდან 85...

ალექსეი არესტოვიჩმა რუსეთთან შერიგების პირობები დაასახელა

უკრაინის პრეზიდენტის ადმინისტრაციის უფროსის მრჩეველი, ალექსეი არესტოვიჩი ამბობს, რომ უკრაინა რუსეთთან კომპრომისზე არ წავა...

რუსი ოკუპანტების შეტევა 4 მიმართულებით ჩაიშალა – უკრაინის გენშტაბი

უკრაინის შეიარაღებული ძალების გენშტაბის განცხადებით, ოკუპანტებმა შეტევა 4 მიმართულებით წამოიწყეს, მაგრამ წარმატებას ვერ მიაღწიეს. "სევეროდონეცკის...

4 ელემენტი, რომელიც ჩემთვის გამარჯვების აუცილებელი კომპონენტია – კულება

„გამარჯვება არის ოკუპირებული ტერიტორიების, მათ შორის ყირიმისა და დონბასის გათავისუფლება. რეპარაციის გადახდა. ომის დამნაშავეებისა და...

უსახლკარო მილიარდერი– აბრამოვიჩს სახლი პორტუგალიაშიც დაუპატიმრეს

პორტუგალიის ხელისუფლებამ რუსი მილიარდერის, რომან აბრამოვიჩის სახლი დააპატიმრა, რომლის ღირებულება 10 მილიონი ევროა. ამის შესახებ გაზეთი Público წერს. სახლი ალგრავის რეგიონში, ქალაქ კინტა–დუ–ლაგუში, პორტუგალიის სამხრეთით...

ერთ–ერთი მთავარი მიზეზი,რის გამოც ადამიანები წონაში ვერ იკლებენ – ახალი კვლევა

ახალმა კვლევამ აჩვენა, რომ ცუდი ძილი შეიძლება წონის დაკლებას და მის შენარჩუნებას უშლიდეს ხელს. კოპენჰაგენის უნივერსიტეტის მეცნიერებმა გაარკვიეს, რომ ადამიანები, რომლებიც დიეტაზე არიან უფრო...

“ბარემ ზელენსკის “ოსკარი“ მიეცით და მუხლი მოიყარეთ უკრაინის წინაშე“–თინა კანდელაკი ევროვიზიაზე უკრაინის გამარჯვებით აღშფოთებულია

ერთ–ერთი რუსი პროპაგანდისტი, რუსული გაზპრომ მედიას დირექტორის მოადგილე, თინა კანდელაკი უკმაყოფილოა იმის გამო, რომ უკრაინულმა ჯგუფმა Kalush Orchestra–მ ევროვიზია 2022–ის ფინალში გამარჯვება მოიპოვა. ამის...