ჩინეთის ჩარევის შემდეგ შეერთებულმა შტატებმა პოლონეთს აუკრძალა საბჭოთა MiG-29-ების უკრაინისთვის გადაცემა პეკინის დაპირების სანაცვლოდ, რომ „პუტინის ბირთვული საფრთხე შეაკავონ“.
ბრიტანელი ჟურნალისტის ოუენ მეთიუსის თქმით, The Spectator-ისთვის მიცემულ სტატიაში ინფორმირებულმა წყაროებმა მას აშშ-ჩინეთის შეთანხმებების შესახებ უამბეს. საუბარია ომის პირველ დღეებში პოლონეთის წინადადებაზე.
პოლონეთს ჰქონდა შეთავაზება თავისი მოიერიშე თვითმფრინავების (MIG -29) უკრაინისთვის გადაეცა. თავდაპირველად ვაშინგტონში შეთანხმდნენ, მაგრამ ერთი დღის შემდეგ, 8 მარტს, მკვეთრად შეცვალეს პოზიცია. ჟურნალისტის ჩინური წყარო ირწმუნება, რომ პენტაგონის პოზიცია ჩინეთის სახალხო განმათავისუფლებელ არმიასთან არაოფიციალური კონტაქტების შემდეგ შეიცვალა.
მხარეები, სავარაუდოდ, ფარულად შეთანხმდნენ, რომ შეერთებული შტატები უარს იტყოდა პოლონეთის შეთავაზებაზე უკრაინისთვის გამანადგურებელ თვითმფრინავებზე და “პეკინის გენერლები ყველაფერს გააკეთებენ იმისათვის, რომ პუტინის ბირთვული საფრთხე განეიტრალონ უახლოეს მომავალში”.
შეგახსენებთ, რომ პოლონეთმა შესთავაზა უკრაინას 26-დან 33-მდე მიგ-29 გამანადგურებლის გადაცემა, რომლებიც 1980-იან წლებში აღმოსავლეთ გერმანიის საჰაერო ძალებისთვის გამოიცა. 2003 წელს თვითმფრინავები პოლონეთს სიმბოლური თანხის 1 ევროს სანაცვლოს გადაეცა.
