ჯორჯიის შტატში ხმების გადათვლა დასრულდა, რითიც დადასტურდა, რომ ჯო ბაიდენმა გაიმარჯვა, მან ტრამპზე 12 284 ხმით მეტი მიიღო. საბოლოო ანგარიშით, ბაიდენმა 306 დელეგატის ხმა დააგროვა, რესპუბლიკელმა დონალდ ტრამპმა კი – 232.
დონალდ ტრამპი აცხადებდა, რომ ჯორჯიაში არჩევნები გაუყალბეს, რის შემდეგაც ხმების ხელახლა გადათვლა გადაწყდა.
ტრამპი კვლავ არ აღიარებს არჩევნების შედეგებს და ამბობს, რომ ლეგალური ხმებით მან გაიმარჯვა.
ჯო ბაიდენი აშშ-ის საპრეზიდენტო არჩევნების გამარჯვებულად 7 ნოემბერს დასახელდა, როდესაც მან პენსილვანიის შტატში გაიმარჯვა და 270 ხმიანი მიჯნა გადალახა.
78 წლის ბაიდენი ამერიკის ყველაზე მხცოვანი პრეზიდენტი იქნება.
