ბაგებში სროლის შედეგად რამდენიმე ადამიანი დაიჭრა. არსებული ინფორმაციით, შემთხვევა დაახლოებით 1 საათის წინ სამხარაულის ექსპერტიზის ბიუროსთან მოხდა.
თვითმხილველის თქმით, ადგილზე 5 ავტომობილი იყო მისული, რომლებმაც გაისროლეს. დაჭრილები ხეჩინაშვილის კლინიკაში გადაიყვანეს.
“ზედიზედ რამდენიმე გასროლა იყო. სანაგვეებთან ხდებოდა… გასროლის ხმა ყველამ გაიგო. ორჯერ გავიგეთ სროლის ხმა. დავიყვირეთ პოლიციას დაურეკეთ-მეთქი და ეტყობა გაიგეს და წავიდნენ” – აცხადებს ერთ-ერთი თვითმხილველი.
ამწუთებში ადგილზე მობილიზებულია საპატრულო პოლიცია. მომხდარზე შსს-მ გამოძიება 117-ე და 236 მუხლით დაიწყო.
