ინფექციური საავადმყოფოს დირექტორი ამბობს, რომ ხალხმრავალ შეკრებას, თუნდაც ეს ქვეყნის უკეთესი მომავალისთვის კეთდებოდეს, არავითარი გამართლება არ აქვს.
მისივე განმარტებით, მკაცრი კარანტინის არგამოცხადების პირობებში აუცილებლად უნდა იყოს დაცული ყველა ის რეგულაცია, რაც კორონავირუსის პრევენციისთვის არსებობს.
“ლოკდაუნის“ არგამოცხადების პირობებში, ამ მზარდი სტატისტიკის შეჩერების პირობებში ორი გზა არსებობს: ერთი, მთელი საზოგადოებრივი აზრის მობილიზაცია უნდა მოხდეს იმისათვის, რომ ყველამ მკაცრად შევასრულოთ გაწერილი რეგულაციები, რაც გულისხმობს პირბადეების აუცილებელ ტარებას, როგორც დახურულ, ისე ღია სივრცეში. ასევე სოციალური დისტანციის დაცვა, ხელების ჰიგიენა და ხალხმრავალი ადგილებში ყოფნისგან თავის შეკავება.
თუ რომელიმე გარკვეული სპეციფიკის გამო, საარჩევნო და პოლიტიკური პროცესები მაქვს მხედველობაში, ვერ ხერხდება, სასურველია მოხდეს. დღეს არავითარი გამართლება არ აქვს ხალხმრავალ თავყრილობებს, თუნდაც ის კეთდებოდეს კეთილი ზრახვებით და ქვეყნის უკეთესი მომავლისთვის ზრუნვის საბაბით“, – განაცხადა თენგიზ ცერცვაძემ.
ცნობისთვის, ოპოზიციური პარტიები და მათი მხარდამჭერები არჩევნების შედეგებს აპროტესტებენ. ისინი არჩევნებს გაყალბებულად მიიჩნევენ და პროტესტს აქციებით გამოხატავენ. მსგავსი აქცია 14 ნოემბერსაც არის დაგეგმილი.
