დნიპროში , დაბომბილი კორპუსის ნანგრევებში ქართულ ოჯახს ეძებენ. ამის შესახებ ინფორმაციას, სოციალური ქსელში, ლაშა დიაროვი ავრცელებს.

როგორც ცნობილია, ქართველი მებრძოლი, ზაქრო ნონიაშვილი, მარიუპოლში იბრძოდა, სადაც ასევე იმყოფებოდნენ მისი ოჯახის წევრები. როდესაც, ვოლოდიმირ ზელენსკიმ, მარიუპოლის მცველებს ცეცხლის შეწყვეტისკენ მოუწოდა, ზაქრო ნონიაშვილმა ოჯახი ცხელი წერტილიდან გამოიყვანა. დნიპროში სწორედ იმ კორპუსში იმყოფებოდნენ ოჯახის წევრები,  რომელიც რუსმა ოკუპანტებმა 14 იანვარს დაბომბეს.

”მეგობრებო, მინდა სულისშემძვრელი ისტორია მოგიყვეთ. დილიდან ძალიან განვიცდი და მინდა თქვენც გაგიზიაროთ. ოჯახის წევრებისგან მაქვს ნებართვა და ამიტომ დავწერ დეტალებს.ომის დაწყების დღიდან დამიკავშირდა უწესიერესი ქალბატონი ნონა ნონიაშვილი, რომლის ძმაც ზაქრო ნონიაშვილი იბრძოდა მარიუპოლში. ვიდრე უკრაინის პრეზიდენტმა არ მოუწიდა მარიუპოლის დამცველებს ბრძოლის შეწყვეტისკენ, მანამდე ზაქრო გმირულად იცავდა უკრაინასა და საქართველოს. მისი ოჯახის წევრები გაჭირვებით გამოვიდნენ ცხელი წერტილიდან და ქალაქ დნეპრში ელოდებოდნენ ზაქროს ტყვეობიდან განთავისუფლებას. რუსული ტერორისტული სახელმწიფოს, ბოროტების იმპერიის მხრიდან მოხდა დნეპრში საცხოვრებელი კორპუსის დაბომბვა, სადაც იმყოფებოდნენ ზაქროს მეუღლე, შვილი და სიდედრი. სამწუხაროდ, ჯერ-ჯერობით მათი ნანგრევებიდან ამოყვანა ვერ ხერხდება. იმედია, სამივე მათგანი ცოცხალი და უვნებელი გადარჩება. ღმერთმა მისცეს გამარჯვება და თავისუფლება ზაქროს!
ბოროტების იმპერია მალე განადგურდება, თითოეული რუსი მანიაკი პასუხს აგებს ჩადენილი”-წერს ლაშა დიაროვი.

14 იანვარს რუსებმა დნიპროში მდებარე მაღალსართულიანი შენობას X-22 რაკეტით დაარტყეს. აფეთქების შედეგად მთლიანად განადგურდა სახლის ერთ-ერთი სადარბაზო. ეს რაკეტა შეიქმნა ჯერ კიდევ საბჭოთა კავშირში საზღვაო და ავიამზიდების განადგურების მიზნით.

დაბომბვის შედეგად, 40 ადამიანი გარდაიცვალა,  საიდანაც 3 ბავშვია, 75 ადამიანი დაშავდა (მათგან 14 ბავშვი).