“ეს არის უპრეცედენტო თავდასხმა დემოკრატიაზე“–ბაიდენი კაპიტოლიუმში ტრამპისტების შეჭრაზე

კონგრესის შენობაში განვითარებული მოვლენების შემდეგ ამერიკის არჩეულმა პრეზიდენტმა, ჯო ბაიდენტმა სატელევიზიო მიმართვაში მომხდარს დემოკრატიაზე უპრეცედენტო თავდასხმა უწოდა, რომელიც “ექსტრემისტების პატარა ჯგუფმა განახორციელა.“

მან დონალდ ტრამპს მოუწოდა სასწრაფოდ გამოვიდეს ტელევიზიით და მოითხოვოს კონგრესის შენობის შტურმის დასრულება.

“მინდა უკიდურესად მკაფიოდ ვთქვა: კაპიტოლიუმში ქაოსის სცენები – ეს არ არის ის, რაც ჩვენ ვართ სინამდვილეში. ჩვენ ვხედავთ ექსტრემისტების პატარა ჯგუფს, რომლებიც უკანონობას ჩადიან. ეს არ არის პროტესტი, ეს არის არეულობა. ეს აჯანყებას გავს და ეს უნდა შეწყდეს. ახლავე. “– დაწერა ბაიდენმა ტვიტერზე.

ბაიდენის შემდეგ მალევე ვიდეოგანცხადება გააკეთა პრეზიდენტმა ტრამპმა. მან განაცხადა, რომ არჩევნები გაყალბდა, თუმცა მოუწოდა საკუთარ მომხრეებს სახლებში დაბრუნდნენ და მშვიდად მოიქცნენ.

“წადით სახლებში, ჩვენ თქვენ გვიყვარხართ. თქვენ განსაკუთრებულები ხართ“– უთხრა ტრამპმა მომხრეებს.

ამავე თემაზე:

“სახელმწიფო გადატრიალების მცდელობა“ და კომენდანტის საათი ვაშინგტონში – რა ხდება აშშ–ს კონგრესში, სადაც ტრამპის მხარდამჭერები შეიჭრნენ