საქართველოს სახელმწიფო ელექტროსისტემა განცხადებას ავრცელებს და განმარტავს, რატომ შეუწყდა 16 მარტის საღამოს თბილისისა და საქართველოს რეგიონების დიდ ნაწილს ელექტროენერგიის მიწოდება.
“საქართველოსა და თურქეთის ენერგოსისტემების დამაკავშირებელი 400 კვ-იანი ელექტროგადამცემი ხაზის „მესხეთი“ გამორთვის გამო, შეწყდა თურქეთიდან ელექტროენერგიის იმპორტი და ენერგომომარაგება შეეზღუდა ქვეყნის უმეტეს ნაწილს. ამ ეტაპზე ხორციელდება მომხმარებლისთვის ელექტროენერგიის აღდგენა.
„საქართველოს სახელმწიფო ელექტროსისტემა” ბოდიშს უხდის მომხმარებელს შეფერხების გამო”, – აღნიშნულია განცხადებაში.
განცხადებაში ნათქვამია, რომ ამ ეტაპზე მომხმარებლისთვის ელექტროენერგიის აღდგენა ხორციელდება.
