მთავარი არხის ჟურნალისტი, ბექა ყორშია მათი არხის თანამშრომლის, ტელეწამყვან ლაშა ნაკაიძის დაკავებასთან დაკავშირებით ფეისბუქ სტატუსს აქვეყნებს. ნაკაიძე ოჯახური ძალადობის ბრალდებით დააკავეს. ამის შემდეგ არხმა მასთან თანამშრომლობა შეაჩერა: ბექა ყორშია წერს, რომ მათი არხისთვის ეს ამბავი ძალიან მძიმეა:
“გაბუმ რომ მითხრა ეს ამბავი, სამი საათი ვისხედით და ვერ ვინძრეოდით. ეს ის შემთხვევაა, როცა არ არსებობს არანაირი ინტერესთა კონფლიქტი. არ აქვს მნიშვნელობა კოლეგაა, მეგობარია, ბავშვის ნათლია, თუ ოჯახის წევრი – სათქმელი ღიად, ცხადად და პრინციპულად უნდა დავაფიქსიროთ – ყველა ქალზე მოძალადე (მათ შორის – ლაშა ნაკაიძე) კანონის მთელი სიმკაცრით უნდა დაისაჯოს !
მთელი “მთავარი არხი” ახლა ჯოჯოხეთს გადის, მაგრამ ჩვენი სტრესი საერთოდ არაფერია იმასთან შედარებით, რაც თავად ძალადობის მსხვერპლმა განიცადა და ახლაც განიცდის.“–წერს ყორშია ფეისბუქზე.
