ორი დღეა ქალბატონი ეკას და ანრის პაექრობას ვუყურებ, კარგი იქნება, თუ სამოგზაუროდ წავლენ – ქანთარია

უმრავლესობის წევრი ნუკრი ქანთარია ანრი ოხანაშვილისა და ეკა ბესელიას პოლემიკას გამოეხმაურა და აღნიშნა, რომ კარგი იქნება, თუ ერთად სამოგზაუროდ წავლენ.

„რასაც ეს ორი დღეა ბატონი ანრისა და ქალბატონი ეკას პაექრობას ვუყურებ, მიჩნდება აზრი, რომ კარგი იქნება, თუ ორივე ერთად სამოგზაუროდ წავლენ. იქიდან ალბათ ერთი ჩამოვა, ან ორივე ერთად შეხმატკბილებულები ჩამოვლენ,“ – თქვა ნუკრი ქანთარიამ.

მას ეკა ბესელიამ უპასუხა და უთხრა, რომ ერთმანეთს ოხანაშვილი და ქანთარია უფრო უგებენ.

„ჩემო ნუკრი, შენ და ანრი უფრო უგებთ ერთმანეთს. ერთ ხმასა და ერთ ლექსიკაზე მეტყველებთ. ამიტომ გინდა იმოგზაურეთ და გინდა სხვა რამე აკეთეთ ერთად. ასე რომ, ძალიან უკბილო ხუმრობა გამოგივიდა,“ – უთხრა ბესელიამ ნუკრი ქანთარიას.

პარლამენტის პლენარულ სხდომაზე კანონპროექტს განიხილავენ, რომელის მიხედვით, პირბადის გარეშე დახურულ სივრცეში პირბადის გარეშე ყოფნის შემთხვევაში, ფიზიკური პირი 20 ლარით დაჯარიმდება, ხოლო  იურიდიული პირი, რომელიც ადამიანს შენობაში პირბადის გარეშე შეუშვებს, 500 ლარით