კრემლის სპიკერი, დიმიტრი პესკოვი უარყოფს, რომ იერიში დნიპროში საცხოვრებელ კორპუსზე რუსეთმა მიიტანა.
“რუსეთის შეიარაღებული ძალები არ ურტყამს საცხოვრებელ შენობებს ან სოციალურ ინფრასტრუქტურულ ობიექტებს. თავდასხმები ხდება სამხედრო ობიექტებზე, აშკარა ან შენიღბული”.-აცხადებს პესკოვი.
შაბათს მომხდარი თავდასხმის ადგილზე სამძებრო-სამაშველო სამუშაოები ამ დრომდე გრძელდება. ბოლო ცნობებით, რუსეთის თავდასხმას 40 ადამიანი ემსხვერპლა, მათ შორის 3 ბავშვია.
